Репост из: 被捕人士資訊部
【上庭還押前同大家講兩句】
我係邱文勁,大家都叫我椰子,今次應該係我最後一次同大家傾計。我將會係1月11日星期一9點半係灣仔區域法院就813機場暴動案應訊,好大機會即時還押。係度我衷心感激一路同行嘅手足,以後嘅事就拜託大家了。
「三軍未動,糧草先行。」
我真係好撚鍾意香港,亦都好想搵到香港嘅出路,雖然係危急存亡之際,但我地仲有好多野可以做。以往香港民主運動嘅資源主要係靠議席資源及遊行籌款,但係國安法陰影下,議會戰線同埋街頭戰線嘅空間嚴重收窄,資源亦捉襟見肘。聽過家長為左幫手足而變賣家當,實在令人痛心,亦唔係健康同長遠嘅做法。係街頭同議會之外,我認為應該繼續發展香港人自己嘅經濟力量,助人自助之餘,亦要為下一場硬仗做好準備。
「授人以魚,不如授人以漁。」
好多有心人關心我嘅生活狀況,但我唔想成為一個飯來張口嘅廢人,於是就試下自己賣下野。我希望更多手足們同路人們踏出第一步,自己生活自己救,搞掂自己之後再去凝聚大家嘅力量,亦為黃色經濟圈注入新嘅動力。就算唔可以同大家見面,都希望各位繼續支持椰子士多,我會繼續同大家一直行落去。
最後,呼籲大家可以多D寄信比我,今日真係好撚凍,即使一牆之隔,都希望可以感受大家嘅溫暖。
再見。
邱文勁
2021年1月10日
我係邱文勁,大家都叫我椰子,今次應該係我最後一次同大家傾計。我將會係1月11日星期一9點半係灣仔區域法院就813機場暴動案應訊,好大機會即時還押。係度我衷心感激一路同行嘅手足,以後嘅事就拜託大家了。
「三軍未動,糧草先行。」
我真係好撚鍾意香港,亦都好想搵到香港嘅出路,雖然係危急存亡之際,但我地仲有好多野可以做。以往香港民主運動嘅資源主要係靠議席資源及遊行籌款,但係國安法陰影下,議會戰線同埋街頭戰線嘅空間嚴重收窄,資源亦捉襟見肘。聽過家長為左幫手足而變賣家當,實在令人痛心,亦唔係健康同長遠嘅做法。係街頭同議會之外,我認為應該繼續發展香港人自己嘅經濟力量,助人自助之餘,亦要為下一場硬仗做好準備。
「授人以魚,不如授人以漁。」
好多有心人關心我嘅生活狀況,但我唔想成為一個飯來張口嘅廢人,於是就試下自己賣下野。我希望更多手足們同路人們踏出第一步,自己生活自己救,搞掂自己之後再去凝聚大家嘅力量,亦為黃色經濟圈注入新嘅動力。就算唔可以同大家見面,都希望各位繼續支持椰子士多,我會繼續同大家一直行落去。
最後,呼籲大家可以多D寄信比我,今日真係好撚凍,即使一牆之隔,都希望可以感受大家嘅溫暖。
再見。
邱文勁
2021年1月10日