https://www.instagram.com/p/CNF5PRfpuud/?igshid=rdrt22s4srpb
「E9號飛35號窗!」
👦🏻:我
👨🏻:工盟同事Leo
👩🏻:吳敏兒Carol
*👦🏻👨🏻喺35嘅窗前坐底*
👦🏻:Carol要我哋準備笑話講比佢聽,我驚尷尬🤧不如你講先
👨🏻:屌你個垃圾,你準備講邊個?
👦🏻:你尋日咪send咗小薯蕃條片比我嘅,我諗住講第一個
👨🏻:仆街我又係喎!
*👦🏻👨🏻大笑,開始有囚友出嚟,到👩🏻行埋嚟窗邊,坐底*
*👦🏻👨🏻準備開口,👩🏻搶先講*
👩🏻:喺呢個位講嘢有技巧㗎,你哋前面咪有三個聽筒嘅,得中間嗰個收音最清,用中間果個聽筒講聽,左右兩個攞嚟聽最好
👦🏻:吓你次次都係35號窗㗎咩
👩🏻:係阿,佢哋應該特登分開我哋幾個政治犯,因為頭幾次我同Winnie(余慧明)拍着窗,探訪啲人可以順便同佢打招呼
👦🏻:CLS... 睇你好似都幾精神喎,眼圈都冇埋🤪
👩🏻:我好好阿,呢到朝朝8點就要出倉,我依家喺個廿人倉到,可以同其他姐妹一齊傾吓計阿、做運動、填吓顏色阿,佢哋好鍾意填顏色㗎,上次有人送咗本曼陀羅畫冊俾我,佢哋會攞張A4嵌住嚟臨摹多幾張比其他人填顏色。
👨🏻:曼陀羅咁正?佢哋(其他同事)話你瘦咗喎!
👩🏻:係阿瘦咗8磅阿,我唔係喺到對住四度牆架,我日日都有做之前學定果幾set體操,依家件衫由大碼縮咗變中碼,就嚟變細碼架喇!
👨🏻:你知唔知我果陣坐瘦咗幾多?瘦咗22磅!
👩🏻:哇咁堅!?睇嚟我都要加把勁追上你先
👨🏻:丫我準備咗個笑話,你聽住啦喎:
阿華同個frd講佢同條女分咗手,個frd話「吓你老竇有過億身家都飛你?」,阿華就話「係阿,佢依家變咗我後母」
👩🏻:哈哈咁貪慕虛榮唔得喎😆呢到都有得搵錢阿,啲錢可以買吓零食日用品之類,不過我心諗我返咗幾十年工,入到嚟唔係仲要做下話😥
👦🏻:你條腰有事就唔好咁操勞喇。我有個酒店會員託我代佢傳話,佢叫腸仔,佢話你好好保重自己身體同埋條腰既舊患,唔洗擔心我地,我地係出面會撐住,你都要好好撐住自己,佢喺公投同你影相同拎你簽名架,同埋我著緊呢件工會Tee係佢設計嘅
*👦🏻企起身轉圈*
👩🏻:哇~好正阿!我條腰依家應該係全香港最出名果條,個個寫信嚟都問我條腰有冇事🤣
👨🏻:阿人哥喺D100節目到講你條腰有事丫嘛
👩🏻:唔怪之得啦,好彩冇講其他秘密佢聽姐🤪吖!嚟緊4月出庭幫我同佢哋講準備件鮮色啲嘅西裝俾我丫,上次我阿媽話黑白灰死氣沉沉唔老黎😅
*👨🏻低頭抄寫*
👩🏻:我都唔會咁傻豬豬以為自己有得保釋出去喇,我預(審訊)起碼拖一兩年啦,好彩我阿媽同個女都安定落嚟,咁我喺到都安定啲。嚟緊我諗住報個二千幾蚊嘅營養學course,為期四個月,喺呢到最大好處就係可以做以前一直唔得閒做嘅野~
👦🏻:二千幾...唔係用裡面返工搵果啲丫嘛😓
👩🏻:唔係啦,出面啲同事幫我比。另外我仲有時間睇小說啦、回吓信啦,我哋一人有一個透明膠箱放我哋啲物品。咁啲girls呢就好鐘意用啲畫裝飾佢哋個箱,我之前收到幅畫係同事畫我個卡通樣,我貼咗上去,不過佢畫到我又後生又瘦,搞到我依家要努力啲減肥先match到幅畫😂
👦🏻:我有話過佢畫得唔似🤣
👩🏻:仲有呢,呢到啲人好興玩數獨
👨🏻:咁得意?!
👩🏻:係阿,之前有姐妹收到本數獨畫,大家就堆埋一齊解題,依家啲普通level嘅都難唔到佢哋!
👦🏻:幾好丫,可以玩吓又識到朋友
👩🏻:係阿,有時會同佢哋傾偈,對於人生有多咗啟發。你知啦入邊唔係個個政治犯,有啲真係犯過事坐幾十年,聽到呢啲世界嘅陰暗面心都酸埋,最弊我又幫唔到佢😢
👨🏻:......你哋平時可以活動幾耐?
👩🏻:平時朝早8點要出倉,通常6-7點就會起身梳洗,跟住就自己活動,有啲姐妹就會去做嘢搵錢,我就未住,仲掙扎緊做唔做。咁多數我同Winnie都會坐埋一枱做吓自己嘢、做吓運動、睇吓書,咁到夜晚8點零就要入返倉,兩人一間,喺入面仲可以做自己嘢,會聽到其他外藉姐妹用英文傾吓計。呢到訓教果陣都會有燈,所以一定要眼罩我先訓到。頭幾日入嚟真係好唔慣,不過依家瞓得算好,起碼每日瞓多過之前兩粒鐘,係張床硬啲,唔舒服,不過都冇計。
👨🏻:咁同我之前果到差唔多,我諗我想像到入你個倉係點
👩🏻:呢到仲興用啲零食整料理架,咩野話梅加m&m阿,餅底加乜乜盛盛
👨🏻:係阿,監倉料理,好出名😀
👩🏻:除咗讀書,我仲諗住寫本回憶錄,講吓呢幾十年做咗咁耐空姐同工運果啲,不過仲未知點落筆好,寫邊啲故事好呢?
👦🏻:不如寫吓你啲情史,應該吸引啲👀
👩🏻:衰仔🤣我喺呢到收到好多信阿,不過我知有啲被收起咗,因為封信嘅內文唔可以提及關於某啲嘢,我知出面有team義工幫緊我手做審查同寄信,好彩有佢哋幫手......
「夠鐘喇夠鐘喇夠鐘喇!」
*聲音中斷,👩🏻雙手貼玻璃*
👩🏻:(口形)好啦bye-bye喇
*👦🏻👨🏻手貼玻璃*
👦🏻👨🏻:(口形)保重喇,下個月再嚟
*途經28號窗,Winnie個窗,👦🏻👨🏻猛然向Winnie揮手*
*Winnie眼角睄一睄我哋,戚一戚眉,似乎唔准同其他探訪者交流*
完
「E9號飛35號窗!」
👦🏻:我
👨🏻:工盟同事Leo
👩🏻:吳敏兒Carol
*👦🏻👨🏻喺35嘅窗前坐底*
👦🏻:Carol要我哋準備笑話講比佢聽,我驚尷尬🤧不如你講先
👨🏻:屌你個垃圾,你準備講邊個?
👦🏻:你尋日咪send咗小薯蕃條片比我嘅,我諗住講第一個
👨🏻:仆街我又係喎!
*👦🏻👨🏻大笑,開始有囚友出嚟,到👩🏻行埋嚟窗邊,坐底*
*👦🏻👨🏻準備開口,👩🏻搶先講*
👩🏻:喺呢個位講嘢有技巧㗎,你哋前面咪有三個聽筒嘅,得中間嗰個收音最清,用中間果個聽筒講聽,左右兩個攞嚟聽最好
👦🏻:吓你次次都係35號窗㗎咩
👩🏻:係阿,佢哋應該特登分開我哋幾個政治犯,因為頭幾次我同Winnie(余慧明)拍着窗,探訪啲人可以順便同佢打招呼
👦🏻:CLS... 睇你好似都幾精神喎,眼圈都冇埋🤪
👩🏻:我好好阿,呢到朝朝8點就要出倉,我依家喺個廿人倉到,可以同其他姐妹一齊傾吓計阿、做運動、填吓顏色阿,佢哋好鍾意填顏色㗎,上次有人送咗本曼陀羅畫冊俾我,佢哋會攞張A4嵌住嚟臨摹多幾張比其他人填顏色。
👨🏻:曼陀羅咁正?佢哋(其他同事)話你瘦咗喎!
👩🏻:係阿瘦咗8磅阿,我唔係喺到對住四度牆架,我日日都有做之前學定果幾set體操,依家件衫由大碼縮咗變中碼,就嚟變細碼架喇!
👨🏻:你知唔知我果陣坐瘦咗幾多?瘦咗22磅!
👩🏻:哇咁堅!?睇嚟我都要加把勁追上你先
👨🏻:丫我準備咗個笑話,你聽住啦喎:
阿華同個frd講佢同條女分咗手,個frd話「吓你老竇有過億身家都飛你?」,阿華就話「係阿,佢依家變咗我後母」
👩🏻:哈哈咁貪慕虛榮唔得喎😆呢到都有得搵錢阿,啲錢可以買吓零食日用品之類,不過我心諗我返咗幾十年工,入到嚟唔係仲要做下話😥
👦🏻:你條腰有事就唔好咁操勞喇。我有個酒店會員託我代佢傳話,佢叫腸仔,佢話你好好保重自己身體同埋條腰既舊患,唔洗擔心我地,我地係出面會撐住,你都要好好撐住自己,佢喺公投同你影相同拎你簽名架,同埋我著緊呢件工會Tee係佢設計嘅
*👦🏻企起身轉圈*
👩🏻:哇~好正阿!我條腰依家應該係全香港最出名果條,個個寫信嚟都問我條腰有冇事🤣
👨🏻:阿人哥喺D100節目到講你條腰有事丫嘛
👩🏻:唔怪之得啦,好彩冇講其他秘密佢聽姐🤪吖!嚟緊4月出庭幫我同佢哋講準備件鮮色啲嘅西裝俾我丫,上次我阿媽話黑白灰死氣沉沉唔老黎😅
*👨🏻低頭抄寫*
👩🏻:我都唔會咁傻豬豬以為自己有得保釋出去喇,我預(審訊)起碼拖一兩年啦,好彩我阿媽同個女都安定落嚟,咁我喺到都安定啲。嚟緊我諗住報個二千幾蚊嘅營養學course,為期四個月,喺呢到最大好處就係可以做以前一直唔得閒做嘅野~
👦🏻:二千幾...唔係用裡面返工搵果啲丫嘛😓
👩🏻:唔係啦,出面啲同事幫我比。另外我仲有時間睇小說啦、回吓信啦,我哋一人有一個透明膠箱放我哋啲物品。咁啲girls呢就好鐘意用啲畫裝飾佢哋個箱,我之前收到幅畫係同事畫我個卡通樣,我貼咗上去,不過佢畫到我又後生又瘦,搞到我依家要努力啲減肥先match到幅畫😂
👦🏻:我有話過佢畫得唔似🤣
👩🏻:仲有呢,呢到啲人好興玩數獨
👨🏻:咁得意?!
👩🏻:係阿,之前有姐妹收到本數獨畫,大家就堆埋一齊解題,依家啲普通level嘅都難唔到佢哋!
👦🏻:幾好丫,可以玩吓又識到朋友
👩🏻:係阿,有時會同佢哋傾偈,對於人生有多咗啟發。你知啦入邊唔係個個政治犯,有啲真係犯過事坐幾十年,聽到呢啲世界嘅陰暗面心都酸埋,最弊我又幫唔到佢😢
👨🏻:......你哋平時可以活動幾耐?
👩🏻:平時朝早8點要出倉,通常6-7點就會起身梳洗,跟住就自己活動,有啲姐妹就會去做嘢搵錢,我就未住,仲掙扎緊做唔做。咁多數我同Winnie都會坐埋一枱做吓自己嘢、做吓運動、睇吓書,咁到夜晚8點零就要入返倉,兩人一間,喺入面仲可以做自己嘢,會聽到其他外藉姐妹用英文傾吓計。呢到訓教果陣都會有燈,所以一定要眼罩我先訓到。頭幾日入嚟真係好唔慣,不過依家瞓得算好,起碼每日瞓多過之前兩粒鐘,係張床硬啲,唔舒服,不過都冇計。
👨🏻:咁同我之前果到差唔多,我諗我想像到入你個倉係點
👩🏻:呢到仲興用啲零食整料理架,咩野話梅加m&m阿,餅底加乜乜盛盛
👨🏻:係阿,監倉料理,好出名😀
👩🏻:除咗讀書,我仲諗住寫本回憶錄,講吓呢幾十年做咗咁耐空姐同工運果啲,不過仲未知點落筆好,寫邊啲故事好呢?
👦🏻:不如寫吓你啲情史,應該吸引啲👀
👩🏻:衰仔🤣我喺呢到收到好多信阿,不過我知有啲被收起咗,因為封信嘅內文唔可以提及關於某啲嘢,我知出面有team義工幫緊我手做審查同寄信,好彩有佢哋幫手......
「夠鐘喇夠鐘喇夠鐘喇!」
*聲音中斷,👩🏻雙手貼玻璃*
👩🏻:(口形)好啦bye-bye喇
*👦🏻👨🏻手貼玻璃*
👦🏻👨🏻:(口形)保重喇,下個月再嚟
*途經28號窗,Winnie個窗,👦🏻👨🏻猛然向Winnie揮手*
*Winnie眼角睄一睄我哋,戚一戚眉,似乎唔准同其他探訪者交流*
完