喺呢三日,前後有超過8200個醫管局員工陣線會員參與罷工。可惜噚日政府只係宣布由中國內地來港人士需要隔離兩星期,完全冇諗過香港醫療系統係冇辦法不停接收武漢肺炎病人。我哋醫護已經行出咗歷史性嘅一大步,只係當權者繼續無視香港人嘅生命同健康。對方冷酷無情,我哋嘅處境無可奈何去到一個僵局。
面對不停由中國內地入境嘅病人,加上社區開始出現本地感染個案,本會必須要為我哋嘅同事爭取合理嘅保護。我哋要求醫管局立即與我哋進行談判,比返合理嘅裝備同配套去應付呢一個由特區政府製造嘅爛攤子,否則我哋唔排除會延長罷工日子!
如果HA唔公開醫院資源嘅分配,又唔為前線醫護安排獨立宿房之類嘅配套,面對越嚟越多嘅病人,我哋醫護同事絕對有機會受到感染,然後又傳染番比我哋照顧嘅病人,同埋我哋嘅同事及家人,只會造成一個惡性循環!公營醫療系統最終必定會招架不住。
難道醫管局都想一齊攬炒?
請醫管局立即與我哋進行談判。
----------------
如果HA諗住拖到夏天,個雪球自己溶,到時可能死咗數以十萬計香港人
面對不停由中國內地入境嘅病人,加上社區開始出現本地感染個案,本會必須要為我哋嘅同事爭取合理嘅保護。我哋要求醫管局立即與我哋進行談判,比返合理嘅裝備同配套去應付呢一個由特區政府製造嘅爛攤子,否則我哋唔排除會延長罷工日子!
如果HA唔公開醫院資源嘅分配,又唔為前線醫護安排獨立宿房之類嘅配套,面對越嚟越多嘅病人,我哋醫護同事絕對有機會受到感染,然後又傳染番比我哋照顧嘅病人,同埋我哋嘅同事及家人,只會造成一個惡性循環!公營醫療系統最終必定會招架不住。
難道醫管局都想一齊攬炒?
請醫管局立即與我哋進行談判。
----------------
如果HA諗住拖到夏天,個雪球自己溶,到時可能死咗數以十萬計香港人