Репост из: All-In-One 資訊集合平台
各位趕選民登記deadline嘅手足請注意:
強烈建議手足上選民資料網上查閱系統 (Google “OVIES”) / 打去28911001查咗自己係咪選民先,因為有好多人可能以前登記過(換身份證/十幾年前街站填表/被登記)。真係無紀錄嘅就填REO-1表格登記。亦有手足因為當年表格上有得揀要超區與否,自己係無剔到要果一票,咁你要響5月2或之前填REO-41表格登記。
填表時注意,你嘅地址跟差餉或水電費單上嘅供水/電地址就最好,否則容易有以下問題:
1.樓層差
唐樓/村屋/少數屋苑中英文表達係有出入,要寫清楚
E.G. (唐)三樓=三樓=2字樓=2/F
2.街號同前後座要寫清
有d街號就係等同你住果層嘅前/後座/邊一個室
3.劏房
請寫清楚係咩室或咩街號,入面嘅咩房
E.G. 7室A房 or 定康路97號4房
4.鄉村
請寫清楚自己嘅村號(唔係信箱號碼)同樓層(若果全幢唔係你住晒),另外本身住址收唔到信嘅,先好響表格後面寫通訊地址
手足記住要寫清楚身份證號碼同簽名,仲要寫電話號碼以便聯絡。交表前睇清楚有冇錯漏,最緊要係自己手字過到自己果關先好交表。
有咩事職員會致電聯絡,收到來電請唔好起晒槓,佢哋真係想幫你。打嚟可能想confirm小小野,因為傳真/Scan/你手字/唔注意上面事項,係可以導致地址或電郵等資料錯晒。鄉村手足可能會收到職員問好多關於你屋企位置嘅問題,因為係有需要pin point個exact location,而且有一定難度。好多人一直以為自己寫岩自己地址,尤其d中坑,其實錯到九彩,錯地址可以令你輕則同屋企人唔同一個票站,重則選區都錯埋。
交住址證明
新登記選民係無規定要交住址證明,但我強烈建議你交,交之前唔該睇網頁嘅要求: https://www.reo.gov.hk/ch/voter/aptypes.htm
交表渠道嘅利弊
請你自行衡量點樣交表,同埋係咪用多過一個渠道交表
親身遞交:呢個係確保收到你份表格嘅最好辦法,而且選舉事務處九龍灣展貿徑一號九龍灣國際展貿中心十三樓嘅辦事處,會響五月二日辦公至晚上十一時五十九分以接收市民送交嘅表格
郵遞:記住而家郵政未完全恢復服務,所以你須要喺 5月2號郵政局截郵時間之前揼落郵政局嘅郵筒。唔好用街上嘅郵筒,因為而家仲係隔日收信,街上嘅郵筒響5月2號有可能係冇人收信
傳真:請確保你fax嗰邊唔係表格嘅背面! 同時,收到表格之後係有可能因質素太差而乜都睇唔到
電郵:係一個好辦法,因為交咗表係會有 auto reply。但記住唔好畀條雲端link選舉事務處,你係一定要將你嘅附件夾落去個電郵裏面,亦請確保份表格唔係用奇怪嘅格式同埋個像數係正常
電子平台:交表會有參考編號,請確保份表格唔係用奇怪嘅格式同埋個像數係正常。據聞有手足試過同一次上傳咗住址證明同表格(分開兩個檔案),而最終淨係成功交咗住址證明,收到信要重新交表格。若5月2號或之前交唔到份表格,咁就功虧一簣。所以交住址證明同表格請merge做同一個pdf
最後提醒,往年已登記嘅手足如收到選舉事務處發出的查訊信,必須盡快響五月二日或之前按信中要求回覆,以保留選民資格。
#投稿
強烈建議手足上選民資料網上查閱系統 (Google “OVIES”) / 打去28911001查咗自己係咪選民先,因為有好多人可能以前登記過(換身份證/十幾年前街站填表/被登記)。真係無紀錄嘅就填REO-1表格登記。亦有手足因為當年表格上有得揀要超區與否,自己係無剔到要果一票,咁你要響5月2或之前填REO-41表格登記。
填表時注意,你嘅地址跟差餉或水電費單上嘅供水/電地址就最好,否則容易有以下問題:
1.樓層差
唐樓/村屋/少數屋苑中英文表達係有出入,要寫清楚
E.G. (唐)三樓=三樓=2字樓=2/F
2.街號同前後座要寫清
有d街號就係等同你住果層嘅前/後座/邊一個室
3.劏房
請寫清楚係咩室或咩街號,入面嘅咩房
E.G. 7室A房 or 定康路97號4房
4.鄉村
請寫清楚自己嘅村號(唔係信箱號碼)同樓層(若果全幢唔係你住晒),另外本身住址收唔到信嘅,先好響表格後面寫通訊地址
手足記住要寫清楚身份證號碼同簽名,仲要寫電話號碼以便聯絡。交表前睇清楚有冇錯漏,最緊要係自己手字過到自己果關先好交表。
有咩事職員會致電聯絡,收到來電請唔好起晒槓,佢哋真係想幫你。打嚟可能想confirm小小野,因為傳真/Scan/你手字/唔注意上面事項,係可以導致地址或電郵等資料錯晒。鄉村手足可能會收到職員問好多關於你屋企位置嘅問題,因為係有需要pin point個exact location,而且有一定難度。好多人一直以為自己寫岩自己地址,尤其d中坑,其實錯到九彩,錯地址可以令你輕則同屋企人唔同一個票站,重則選區都錯埋。
交住址證明
新登記選民係無規定要交住址證明,但我強烈建議你交,交之前唔該睇網頁嘅要求: https://www.reo.gov.hk/ch/voter/aptypes.htm
交表渠道嘅利弊
請你自行衡量點樣交表,同埋係咪用多過一個渠道交表
親身遞交:呢個係確保收到你份表格嘅最好辦法,而且選舉事務處九龍灣展貿徑一號九龍灣國際展貿中心十三樓嘅辦事處,會響五月二日辦公至晚上十一時五十九分以接收市民送交嘅表格
郵遞:記住而家郵政未完全恢復服務,所以你須要喺 5月2號郵政局截郵時間之前揼落郵政局嘅郵筒。唔好用街上嘅郵筒,因為而家仲係隔日收信,街上嘅郵筒響5月2號有可能係冇人收信
傳真:請確保你fax嗰邊唔係表格嘅背面! 同時,收到表格之後係有可能因質素太差而乜都睇唔到
電郵:係一個好辦法,因為交咗表係會有 auto reply。但記住唔好畀條雲端link選舉事務處,你係一定要將你嘅附件夾落去個電郵裏面,亦請確保份表格唔係用奇怪嘅格式同埋個像數係正常
電子平台:交表會有參考編號,請確保份表格唔係用奇怪嘅格式同埋個像數係正常。據聞有手足試過同一次上傳咗住址證明同表格(分開兩個檔案),而最終淨係成功交咗住址證明,收到信要重新交表格。若5月2號或之前交唔到份表格,咁就功虧一簣。所以交住址證明同表格請merge做同一個pdf
最後提醒,往年已登記嘅手足如收到選舉事務處發出的查訊信,必須盡快響五月二日或之前按信中要求回覆,以保留選民資格。
#投稿