前線行動派的睇法

@frontlineview Нравится 0
Это ваш канал? Подтвердите владение для дополнительных возможностей

我地係一小隊前線抗爭者,鑑於坊間一直缺乏前線抗爭者既聲音,對我地既想法亦都唔太理解,我地掙扎咗一段時間後決定成立依個頻道,希望分享我地既想法、意見、心聲等等…
Гео и язык канала
Китай, Китайский
Категория
не указана


Гео канала
Китай
Язык канала
Китайский
Категория
не указана
Добавлен в индекс
07.01.2020 18:27
реклама
Telegram Analytics
Подписывайся, чтобы быть в курсе новостей TGStat.
TGStat Bot
Бот для получения статистики каналов не выходя из Telegram
TGAlertsBot
Мониторинг упоминаний ключевых слов в каналах и чатах.
205
подписчиков
~0
охват 1 публикации
~1
дневной охват
N/A
постов в день
N/A
ERR %
0.12
индекс цитирования
Последние публикации
Удалённые
С упоминаниями
Репосты
Репост из: 💨氣象巴打🐘
秋後算帳黎得好快,有咩要注意?

1️⃣難聽既說話擺最前:上門拉得你既,一係夠料,一係套口風。

2️⃣暫時未知警方目標,但估計係針對有組織既小隊,而且務求一次行動將全隊一網打盡。

3️⃣警方鎖定目標後,就會派便衣吊靴,時間可以斷月計,目標係鎖定居住、活動範圍,同埋生活模式(例如出入時間)。

4️⃣如果已經有好明顯既便衣喺你樓下徘徊,姐係準備拉,你可以做既得拖延時間執手尾。請注意:你諗到既方法,警方都會諗到,盡量諗多幾步。

5️⃣有消息指,警方使用既軟件可以睇到已刪除既訊息,請諗一個最直接處理電子產品既方法。

6️⃣其他人唔好做豬隊友,冇人想知邊個邊日喺邊度做過啲咩,警方反而會多謝你提供線索。

7️⃣背定義務律師電話(最好真係有間律師行),平常心面對,唔好忘記最基本既「我冇嘢講」。

#安全威脅觀察
捉鬼事件最終都係演變成罵戰,依個亦都係強調唔好捉鬼既原因,因為民眾間既信任崩潰就好易潰散,抗爭亦好難維持落去,所以真係求下大家唔好再捉鬼。另外都希望大家尊重其他小隊的決定,始終佢地面對既壓力真係好大,有情感既波動都好正常。

至於我地現階段都唔會退出,否則都唔會開依個channel去分享我地既睇法, 而事已至此,不厭其煩咁希望大家經一事、蔡一智,明白捉鬼真係百害而無一利,每每用陰謀論既目光去睇各類行動,反而更容易進入敵人圈套,講真你問我哋有冇灰心 ,當然會有,有時會有種無人明白我地嘅感覺,但香港既氣數已經進入倒數階段,我地已經無任何後退既可能了。

#抗爭#評論
【寧願放生一萬隻鬼,都唔好捉錯一位手足】

點解行動手足唔希望大家捉鬼?

其實元旦遊行既捉鬼事件一直令到我地耿耿於懷,因為捉鬼真 係會令行動派既風險增加好多,搞掂件事後手足必須迅速離開現場,每留係事發地點多一秒,被補機會就會多一分,如果仲要被困現場向大家解釋,甚至要除低面罩以表清白,其實同包車送去狗屋差唔多🚓 。

我明白大家會因為黑警嫁禍條氣唔順,但我地要知道每次既裝修、魔法,其實都係為左正義而做,係正當既行為,目的就係攻勢對家既勢力,作出物理上、心理上及金錢上既實質傷害,所以即使黑警扮市威者裝修,其實我地係十分歡迎,難得佢地做埋我地個份,大家亦都要盡快明白依類行動係合情、合理、正當並正義,達到思維上既革新💪💪💪 !

#抗爭#評論
我地係一小隊前線抗爭者,或者大家俗稱既勇武派,其實我地從來唔會咁樣自稱,一來咁叫尷尬過關家姐,二來其實抗爭行到依個階段,即使唔係魔法師,只係裝飾師,甚至企前少少已經好大風險,被虐打不特止,仲隨時坐返幾年,所以我地會直接用前線行動派去稱呼自己同埋手足。

我地發覺一直以來坊間對前線行動手足並唔太理解,例如總覺得前線係一窮二白、基層人士、有勇無謀、無乜學識或者一定係學生,但其實我地隊員入面除左學生,都有專業人士,有人有車有樓上埋岸、亦都有人參與社運好多年。鑑於種種,於是我地就決定開依個頻道去分享行動派既心聲、意見、甚至係對香港政局、未來既憧憬、睇法,希望前線手足既聲音都可以進入到大眾。

其實我地都掙扎一段時間,因為公開發表始終有一定風險,但經過元旦遊行捉鬼事件後,我地最後都係決定成立依個頻道,等坊間可以接觸倒我地既睇法,或者表達我地對行動上既理解,咁大家既矛盾先會更加容易調和,日後既路將會愈來愈難走,小隊入面已經有不少人被逼退場,而我地亦都唔知堅持到幾耐,香港人已經係懸崖邊了,我地已經無互相指責既本錢,請大家務必要堅持落去,「光復香港,時代革命」。

前線行動派睇法的channel:
https://t.me/frontlineview
Читать полностью