地盤佬既浪漫，屬於地盤佬既連儂牆

唔知大家對於連儂牆既印象係點？貼文宣？寫字？連儂隧道？相信每個人都有唔同睇法，而對於粗獷既地盤佬黎講，連儂牆可能只係一個簡單咁俾佢舒發意見既石屎牆！

其實反送中前，地盤既好多石屎牆都會有好多師傅用佢地手上既marker係牆上面寫上各種各樣既字句，可能包括鬧個地盤多蚊，鬧地盤無，甚至乎鬧d安全佬😂😂

而過左反送中之後，地盤入面都出現左各式各樣既連儂牆。呢d連儂牆上面，都寫左好多字，包括同反送中有關既字句，甚至乎係撐警既字句😂😂 一場少少既戰爭，就發生係呢一幅少少既石屎牆上面啦。

而呢幅牆入面，你亦可以見到好多人既字跡，你地可以見到佢地既睇法，同埋佢地既訴求。雖然多數既文字都會好似我地既訴求一樣，俾人無視晒，不過都不失為一個可以了解地盤佬既心聲既地方。你地可以見到，其實地盤佬係好簡單直接嫁，佢地覺得行樓梯辛苦，就會鬧要行好多樓梯；佢地覺得某個人黑人憎，就會係幅牆到鬧佢。

所以，呢一幅幅簡單既石屎牆，可以話係聚集晒每一個地盤入面既地盤佬既心聲。能夠係上面留下一筆，簡直係地盤佬既浪漫！

圖為朋友俾我，小弟都唔知邊個地盤黎😂

#admin隨筆

實用工程知識分享頻道 同各位分享各種有用既工程知識
https://t.me/engineernoextradition