Репост из: 自衛、拯救教學頻道
《論格鬥的專精度及全面性》
早前有問過大家學過咩野武術,相信無論大家有無學過,都應該知世界上好多唔同種類嘅格鬥技。咁多種武術,到底應該如何選擇呢?
今次想同大家分享2個概念,可以用黎形容一個人嘅自衛能力/格鬥水平:
💡專精度
- 對某一招式,或某一範圍嘅熟練度
💡全面性
- 對唔同種類嘅格鬥技嘅認識,或應對能力
近身格鬥黎講,一般可以粗略分為以下類別:
1️⃣纏鬥、擒拿類,包括摔撻、各種地面格鬥技
2️⃣徒手打擊類,包括各種拳腳肘膝
3️⃣兵器類,包括各種棍、刀
之前都有提過,練熟一啲基本野,有專精嘅技術係好有用。但必須要澄清,有專精嘅技術並不等於只需要練死一樣,唔使識其他野。以上所講嘅三大類別,都係適用於唔同情況,你嘅敵人唔一定會比機會你用你擅長嘅野。
你可能擅長拳腳,但敵人可以攬住你;
你可能擅長摔跤,但唔識應付兵器;
你可能擅長兵器,但一時間你搵唔到兵器喺手。
專精一樣但技術唔全面,或者每樣識啲但周身刀無張利,呢兩個情況都唔夠理想。但如果要求大家樣樣都要精通,呢個要求又有啲不切實際,大家嘅時間畢竟有限。咁究竟「專精度」同「全面性」點樣可以取得一個平衡呢?
Admin建議嘅做法係先追求「全面性」,儘可能有能力應對唔同情況,之後如果有興趣同有時間,再主修一個範疇。
早前有問過大家學過咩野武術,相信無論大家有無學過,都應該知世界上好多唔同種類嘅格鬥技。咁多種武術,到底應該如何選擇呢?
今次想同大家分享2個概念,可以用黎形容一個人嘅自衛能力/格鬥水平:
💡專精度
- 對某一招式,或某一範圍嘅熟練度
💡全面性
- 對唔同種類嘅格鬥技嘅認識,或應對能力
近身格鬥黎講,一般可以粗略分為以下類別:
1️⃣纏鬥、擒拿類,包括摔撻、各種地面格鬥技
2️⃣徒手打擊類,包括各種拳腳肘膝
3️⃣兵器類,包括各種棍、刀
之前都有提過,練熟一啲基本野,有專精嘅技術係好有用。但必須要澄清,有專精嘅技術並不等於只需要練死一樣,唔使識其他野。以上所講嘅三大類別,都係適用於唔同情況,你嘅敵人唔一定會比機會你用你擅長嘅野。
你可能擅長拳腳,但敵人可以攬住你;
你可能擅長摔跤,但唔識應付兵器;
你可能擅長兵器,但一時間你搵唔到兵器喺手。
專精一樣但技術唔全面,或者每樣識啲但周身刀無張利,呢兩個情況都唔夠理想。但如果要求大家樣樣都要精通,呢個要求又有啲不切實際,大家嘅時間畢竟有限。咁究竟「專精度」同「全面性」點樣可以取得一個平衡呢?
Admin建議嘅做法係先追求「全面性」,儘可能有能力應對唔同情況,之後如果有興趣同有時間,再主修一個範疇。