[五皮野,一人幾舊水都夠]眾籌將香港議題推上北歐國會
位於奧斯陸嘅挪威香港文化協會嚟緊2月尾將會籌辦一連串遊說活動,呼籲北歐政府同國會採取行動支持香港運動。佢哋自舊年8月成立起已經一直有喺挪威嘅大學舉辦講座、接受當地傳媒訪問、參與當地示威活動,將香港人嘅抗爭宣揚開去,以至為新疆、西藏嘅人權議題發聲。可惜佢哋目前嘅眾籌仲未達標,仍然需要各位手足嘅幫助!
北歐國家(挪威丶瑞典丶丹麥)有悠久嘅自由民主傳統,人權標準享負盛名。佢哋對香港嘅反送中運動,本應可以做得更多。不幸嘅係,佢哋目前對香港嘅運動,相較英國、美國,仍然保持沉默,對中國嘅事務,包括人權問題,更實行自我審查,甚少發聲。但觀乎近月來美國歐洲嘅一連串情況,要繼續國際線抗爭,北歐係時候走出一步。...