你問我答-DSE學術支援（睇pined message）

完全唔明點解有人會話立完國安法就要Delete Telegram & 連登account。
如果靠Telegram、連登拉到你嘅話一早拉咗，唔洗等國安法、23條。
但立完國安法後，有知名社運人士被捕係意料之內。

安全措施參考：
《安全上網指南》
《Telegram使用指南》
《應對秋後算賬注意事項》
612 Reminder — Content Page
http://bit.ly/612Reminder

法律意見參考：
天水連線 — 免費法律咨詢
@tswconnection_lawadvice_bot

不專業公民教育 — 法律淺說
https://telegra.ph/法律淺說-01-04

#Reminder溫馨提醒

各位同學，大家好呀，
仲有唔夠一日就考bio喇，
溫書溫成點呢？
做左我地份伏題大全集未呢？（傳送門： https://t.me/DSEbiochannel/576）
我地都有啲tips同心得俾返大家🙆🏻‍♀️

睇題目
唔好skip左題目最一開頭嗰段背景資料，可能有啲重要嘅information
審題，要留意keywords，睇題目同答題都要留意
→ 可以養成highlight key words嘅習慣
→ 小心啲睇題目 唔好太急

答題
→ 可以答之前寫低keyword
→ LQ 要留意分數，幾多分寫幾多個point/keyword
→ 避免用一啲太空泛（甚至連自己都唔知點解）嘅字眼
→ 遇到唔識做嘅題目可以先skip，或者寫少少野落去先，寧願做左識嗰啲，返黎再慢慢諗
→ 諗題目可以先諗開頭同結尾，再諗中間嘅connection
→ 答MC要善用排除法：搵出多啲exception，或者簡單歸納答案，有時可以推論出正確答案

#心理篇
我地留意到好多同學考試之前都會好緊張！
所以我地都準備左啲方法，大家如果真係好緊張嘅都可以試下啊

深呼吸
大家如果真係好緊張嘅話，
試下停低落嚟深呼吸，
再望住塊鏡幻想自己考到5**時嘅興奮
雖然好似好kai咁，
但無可否認EQ喺任何戰場上都係有舉足輕重嘅影響，
（講個秘密俾你知，其實Admin考試同interview前都會入廁所咁樣做🤣🤣🤣）
記住溫書之餘都要考慮自己自己情緒管理啊

Don’t Look Back!
同埋最後提多一樣嘢，
如果你考完bio仲有其他科要考，
記得千祈千祈千祈唔好對卷！！！
因為考完嘅嘢你唔會改變得到，
專心考曬所有科先慢慢再對，
否則後果真係不堪設想！

充足休息
保持良好嘅精神狀態都係好緊要㗎！
所以記得要俾啲空間自己唞吓🙆🏻‍♀️
溫到真係太崩緊 或者頭昏腦脹嘅時候 不妨行開休息5分鐘
溫夠就唔好接觸太多同考試有關嘅資訊啦🙈
另外如果真係想瞓得好啲嘅
可以避免喺夜晚飲啲有咖啡因嘅飲品（即係茶、咖啡嗰啲）
另外臨瞓之前都唔好用太耐電話！


到時入到試場，要相信你已經係做到最好架喇！
各位被時代選中嘅小孩，
加油撐埋落去！

咳咳！各位2020嘅DSE考生，雖然政府對考試日期遲遲未有定案，相信大家嘅心情一定好緊張！但信你問我答，唔驚！
萬眾期待嘅Econ Mock終於準備好啦～
雖然早前大家對於Mock嘅投票非常踴躍 ，好多人都希望可以做完整嘅Paper 1&2，但由於一眾tutor亦有自己嘅學業同工作要兼顧加上時間關係，只能夠抽空出到一份Paper 1比大家，有負眾望，係道講聲唔好意思🙏

本試卷按照DSE程度，參考歷屆試題和考核模式設計，如各位同學準備充足，足夠細心，理應能夠應付。

另外，我地準備左一份Google Form收集同學嘅答案用作數據分析，檢視試卷難易度和作答選項分佈等，以便一眾tutor解題時更能準確地跟進同學嘅疑難及為未來再次出卷時作參考，同學請謹記在作答完畢後提交至Google Form以核對答案。
為避免有心人惡意破壞及影響數據準確性，同學們 必須 登入gmail方可填寫。
理解同學對私隱嘅關注，此Google Form已設定為不會收集提交者嘅電郵，亦毋須提交任何個人資料，請各位放心。
Link: https://bit.ly/34pKDaN

最後，呢份試卷係我地準備多時嘅作品，無論你想當成練習定係真正嘅試卷都好，希望同學們認真對待，唔好辜負一眾tutor無私奉獻嘅努力。

試卷須知📃:
1⃣本試卷設中/英文版本，共45題，每題佔分相等，限時60分鐘作答。
2⃣試題答案平均分佈各選項，與DSE相同，考生可利用此特質估算正確率。
3⃣作答完成後，請同學將答案提交到google form核對，試題答案將會於提交後顯示。
4⃣核對答案後，如同學有進一步解題需要，請pm各tutor。
5⃣公平起見，同學應避免在群組內討論試題及答案，一眾tutor亦不會在群組內解答，以免影響其他尚未完成試題的同學。
6⃣如對試卷內容有任何疑難(懷疑題目出錯等)，請在google form提出，並留下你的telegram username以便跟進。
7⃣本試卷由你問我答Econ 管理員擁有，除授權人士外任何人不得使用作商業用途，否則將保留追究權利。

中文科明天開考在即 唔知同學準備成點樣
到依家呢一刻心態係致勝的其中一環
好多應試技巧和tips平時無論係grp或者同學pm導師，相信都已經分享過好多

關於大家最緊張 最俾心機操練的作文卷 好多改善建議同埋如何得分，又因何扣分
有睇channel嘅你 你 你 你 我相信一定都識
都見到好多同學睇完channel講嘅嘢 再作嘅文 係脫胎換骨 分數方面亦都有所提升
如果喺呢一刻你仲依然迷茫緊 完全摸不著頭腦 我希望channel講嘅嘢 可以俾一個方向你
至少開考時 你寫的文章 係一篇真正中六水平的作文 該有的扣題/主題句/結尾 齊齊整整地呈現

然後 都收到好多同學們的綜合練習
大家犯的錯誤都是大同小異 一次過喺呢度講
記住綜合卷唔係越長越好 記住係要中point
你就算一段寫咗成版都好 但依然唔中一個point的話 你得到的分數仲會少過人哋只係得半版
通常好多得分的論點 會出現喺錄音 或者資料的標題/重點主題
如果你仲未熟悉 仲係唔識點樣搵到重點
我建議你呢一刻唔好再死做 傻傻地以為寫得多就會贏 畢竟大包圍戰術除了讓改卷員疲勞 對於分數幫助甚微
要知道有咩方法可以好似執中藥咁 執啱劑量 並對症下藥
參考評分準則 有清楚列明邊啲有分 分數係如何分配
（當年完全遺忘要操綜合卷的過來人 全靠鑽研marking 然後執啱藥 對到DSE症）

最後最後 我知道取消說話考試一定會大家有影響 甚至打亂大家的計劃
但係呢個世界就係咁樣 永遠計劃趕不上變化
中文科 雖然成日被宣傳為「死亡之卷」 但我見到好多同學喺中文科付出的努力
最重要係見到有同學真係有進步 對好多同學我都好有信心
開考的時候 記住 心無旁騖 empty your mind 平常心面對
我等緊大家的好消息 加入返中文科的大家庭

長氣都提多句：
聽日麻煩帶齊文具！ （考試文具極其重要 帶唔夠你真係會驚 唔好問我點解知）
鉛筆/擦膠/螢光筆/3枝原子筆（可以的話唔好用墨水筆）
鉛筆（唔係鉛芯筆）一枝最好係唔尖嘅
螢光筆識得好好運用的人有福了 因為文章主題/中心思想/資料重點 全是你的！


大家今晚早啲休息，如果有同學超過11點仲喺grp發問 （偷偷pm我都會知架！） 我唔排除會有禁言行動架～
香港的各大專院校正等緊大家大家考入去
DSEr 加油！！！
長都同我睇晒佢 當最後練習一次閱讀理解(^_^)v