#讀者投稿 #武漢肺炎
係咪應該接種疫苗?
首先,無論從公共衛生或者個人健康角度嚟睇,除非該疫苗屬於缺乏科學實證支持嗰啲 (例如到現時為止仍未有第三期臨牀測試報告於國際醫學期刊刊登的科興和國藥),否則,平心而論,就應該接種,而且越多人接種越好。因為只有當一個社會有某個數量嘅人 (有説七成,有說接近九成) 接種,才能達致群體免疫的效果。這樣,即使再有零星感染個案,也不會再造成大規模爆發。
但另一方面,喺香港嘅情況嚟講,嚟睇特區政府一定係將接種疫苗呢件事跟其餘嘢一齊捆綁,當中就包括那個什麼「安心出行」App。咁後者有咩問題呢?唔係有咗個App就方便啲,例如出入政府大樓咩?你冇接種疫苗,冇個App第日點入稅局交稅、點去入境處換身分證?
須知道,特區政府能否成功將呢啲嘢跟「安心出行」捆綁埋一齊,係視乎社會有幾多人真係跟住做。如果最終有七、八成人以上,佢就大條道理將出入政府大樓呢樣「好處」擴展到其他範疇,包括乘搭交通工具、出入商場、戲院、食肆等等。如果想像力豐富,甚至可以無限延伸 (自己諗,但沈旭暉尋日有條片講過)。個結果就係幫咗政府利用呢樣嘢去將香港市民分等級 (e.g., 能入政府大樓 vs 不能),又或者換句話講,就係大家講咗好耐嘅信用評級嘞。
反之,如果最終跟住政府嗰一套嘢去做 (接種、裝安心App、合作地出入公眾場所scan barcode等等) 嘅人數,只有三、四成嘅話,咁政府要夾硬嚟,都好難將呢啲條件再無限延伸到私人領域。因為,商場、戲院、食肆都要做生意㗎。市民唔反對,啲老細級都會向政府出聲啦,話唔好燒埋佢哋嗰一瓣啦。
講得極端啲,跟足呢個政府嗰一套去做 (接種、裝安心App、合作地出入公眾場所scan barcode等等) 嘅人,就係enable佢踏出數碼極權嘅第一步,就係助紂為虐。
咁所以唔係話唔接種,但係要睇吓佢接乜嘢種,同埋政府嗰套配套。例如,如果係一張紙嘅實體打針卡,肯定冇能力做tracking又冇機會俾佢利用到整成套什麼信用評分極權嘢出嚟,就冇乜所謂。又或者,如果Apple、Elon Musk、Amazon etc. 有一套全世界人都可以共用嘅系統,啲data可以儲存喺佢嗰度而唔係特區政府嗰度,而用家進入政府大樓又或者其他公眾場所先至show pass出嚟,其餘個人資料全部保密,又冇乜所謂。
當然,以上都係個人意見。
如有意見、投稿,請透過 @AskChing_bot 提交。
- - - - -
銅鑼灣東角道
本區公海: https://t.me/CWBhk
Channel: https://t.me/CWBnow
係咪應該接種疫苗?
首先,無論從公共衛生或者個人健康角度嚟睇,除非該疫苗屬於缺乏科學實證支持嗰啲 (例如到現時為止仍未有第三期臨牀測試報告於國際醫學期刊刊登的科興和國藥),否則,平心而論,就應該接種,而且越多人接種越好。因為只有當一個社會有某個數量嘅人 (有説七成,有說接近九成) 接種,才能達致群體免疫的效果。這樣,即使再有零星感染個案,也不會再造成大規模爆發。
但另一方面,喺香港嘅情況嚟講,嚟睇特區政府一定係將接種疫苗呢件事跟其餘嘢一齊捆綁,當中就包括那個什麼「安心出行」App。咁後者有咩問題呢?唔係有咗個App就方便啲,例如出入政府大樓咩?你冇接種疫苗,冇個App第日點入稅局交稅、點去入境處換身分證?
須知道,特區政府能否成功將呢啲嘢跟「安心出行」捆綁埋一齊,係視乎社會有幾多人真係跟住做。如果最終有七、八成人以上,佢就大條道理將出入政府大樓呢樣「好處」擴展到其他範疇,包括乘搭交通工具、出入商場、戲院、食肆等等。如果想像力豐富,甚至可以無限延伸 (自己諗,但沈旭暉尋日有條片講過)。個結果就係幫咗政府利用呢樣嘢去將香港市民分等級 (e.g., 能入政府大樓 vs 不能),又或者換句話講,就係大家講咗好耐嘅信用評級嘞。
反之,如果最終跟住政府嗰一套嘢去做 (接種、裝安心App、合作地出入公眾場所scan barcode等等) 嘅人數,只有三、四成嘅話,咁政府要夾硬嚟,都好難將呢啲條件再無限延伸到私人領域。因為,商場、戲院、食肆都要做生意㗎。市民唔反對,啲老細級都會向政府出聲啦,話唔好燒埋佢哋嗰一瓣啦。
講得極端啲,跟足呢個政府嗰一套去做 (接種、裝安心App、合作地出入公眾場所scan barcode等等) 嘅人,就係enable佢踏出數碼極權嘅第一步,就係助紂為虐。
咁所以唔係話唔接種,但係要睇吓佢接乜嘢種,同埋政府嗰套配套。例如,如果係一張紙嘅實體打針卡,肯定冇能力做tracking又冇機會俾佢利用到整成套什麼信用評分極權嘢出嚟,就冇乜所謂。又或者,如果Apple、Elon Musk、Amazon etc. 有一套全世界人都可以共用嘅系統,啲data可以儲存喺佢嗰度而唔係特區政府嗰度,而用家進入政府大樓又或者其他公眾場所先至show pass出嚟,其餘個人資料全部保密,又冇乜所謂。
當然,以上都係個人意見。
如有意見、投稿,請透過 @AskChing_bot 提交。
- - - - -
銅鑼灣東角道
本區公海: https://t.me/CWBhk
Channel: https://t.me/CWBnow