//When the State intervenes to ensure the indoctrination of some doctrine, it does so because there is no conclusive evidence in favour of that doctrine.// -Bertrand Russell
日前,教育局公佈公開試將會取消中文科說話卷同聆聽及綜合能力卷,亦就通識科改革向學校發出通函。而尋日教育局更公佈一系列嘅洗腦教育,要求老師喺課程入面硬塞「國民教育」元素,更鼓勵學校「篤灰」,噉樣只會令校園彌漫白色恐佈,令學生嘅思辨能力發展受影響。
有關國安法教育
睇返成個課程框架,由初小開始學生就被硬塞一啲難以明白嘅抽象詞彙,要求學生背誦政權嘅說法,扼殺學生尋根究底嘅精神。
無論喺課程嘅框架定係現時教育局提供嘅教材(如「國家安全 你我要知」有聲繪本書),政權不斷重複學生需要「守法守規」,絕對服從,唔去探究規矩背後嘅因由同合理性,多次表示「自由並非無限制」。但正如殷海光所講「言論自由是一種工具。它可用來造亂,也可用來平亂...如果造亂集團尚且能夠利用言論自由以達到不正當的目的,而我們為什麼不能藉著言論自由以達到正當的目的呢?如果我們不能藉言論自由以達到正當的目的,而是害怕言論自由,那末癥結在那裡呢?」。
有關中文科口試同通識課
根據教育局早前所提出嘅建議,新嘅「通識科」將會刪去延伸回應題,換言之,試卷淨係會剩返「描述資料」嘅題目,而刪除所有要求學生闡述意見嘅題目。前者只需要考核學生理解並綜合資料再作出描述,後者則額外需要學生清楚噉表達自己立場、提出並闡述論點、多角度思考、回應人哋嘅論點等高階嘅思維同語言能力。同樣地中文口試嘅題目有如通識科一樣可以訓練學生分析事件嘅因由、臨場應變同游說等高階說話技巧。
學生的確不應只著重考試,但就好似教育局所講既然學生現時學業繁重,根本唔會有時間可以喺課程以外進行任何思維訓練。雖然試卷內容能唔能夠準確測試考生能力呢方面一直為人詬病,但既然係噉,教育局著手要改革嘅應該係香港過於著重考試嘅制度或修訂考試內容,而唔係將課程入面訓練高階思維同語言能力嘅通通刪除。
教育局呢邊廂斬腳趾,但卻避唔到沙蟲噉改革課程,同時又喺課程硬塞入國安法教育,只係以政治凌駕教育專業,務求令新一代唯命是從,接受政權1+1=3嘅教育。
#洗腦教育 #學校唔教自己教
日前,教育局公佈公開試將會取消中文科說話卷同聆聽及綜合能力卷,亦就通識科改革向學校發出通函。而尋日教育局更公佈一系列嘅洗腦教育,要求老師喺課程入面硬塞「國民教育」元素,更鼓勵學校「篤灰」,噉樣只會令校園彌漫白色恐佈,令學生嘅思辨能力發展受影響。
有關國安法教育
睇返成個課程框架,由初小開始學生就被硬塞一啲難以明白嘅抽象詞彙,要求學生背誦政權嘅說法,扼殺學生尋根究底嘅精神。
無論喺課程嘅框架定係現時教育局提供嘅教材(如「國家安全 你我要知」有聲繪本書),政權不斷重複學生需要「守法守規」,絕對服從,唔去探究規矩背後嘅因由同合理性,多次表示「自由並非無限制」。但正如殷海光所講「言論自由是一種工具。它可用來造亂,也可用來平亂...如果造亂集團尚且能夠利用言論自由以達到不正當的目的,而我們為什麼不能藉著言論自由以達到正當的目的呢?如果我們不能藉言論自由以達到正當的目的,而是害怕言論自由,那末癥結在那裡呢?」。
有關中文科口試同通識課
根據教育局早前所提出嘅建議,新嘅「通識科」將會刪去延伸回應題,換言之,試卷淨係會剩返「描述資料」嘅題目,而刪除所有要求學生闡述意見嘅題目。前者只需要考核學生理解並綜合資料再作出描述,後者則額外需要學生清楚噉表達自己立場、提出並闡述論點、多角度思考、回應人哋嘅論點等高階嘅思維同語言能力。同樣地中文口試嘅題目有如通識科一樣可以訓練學生分析事件嘅因由、臨場應變同游說等高階說話技巧。
學生的確不應只著重考試,但就好似教育局所講既然學生現時學業繁重,根本唔會有時間可以喺課程以外進行任何思維訓練。雖然試卷內容能唔能夠準確測試考生能力呢方面一直為人詬病,但既然係噉,教育局著手要改革嘅應該係香港過於著重考試嘅制度或修訂考試內容,而唔係將課程入面訓練高階思維同語言能力嘅通通刪除。
教育局呢邊廂斬腳趾,但卻避唔到沙蟲噉改革課程,同時又喺課程硬塞入國安法教育,只係以政治凌駕教育專業,務求令新一代唯命是從,接受政權1+1=3嘅教育。
#洗腦教育 #學校唔教自己教