Репост из: 抗爭聯合育成 - 元旦女勇武
//
《與時間嘅抗爭 - 為了忘卻的紀念》- admin C
如果2019係漫長嘅話,或者相對嘅2020就係轉眼即逝,如果呢個世界嘅時間唔係絕對客觀的話,我諗自己大概唔會意識到,原來中大保衛戰跟理大圍城,都已經係一年前所發生嘅事。
我有預感大家呢個星期都會有大量嘅文宣係圍繞著中大同理大嘅事情,畢竟就2019嘅抗爭而言,中大同理大就係所謂最白熱化嘅情節,喺震撼程度遠遠超過612、721、831、1001等事件嘅重大轉捩點。某程度嚟講,如果以一般抗爭者所講嘅「維持抗爭熱度」論調嚟講,中大理大所造成嘅社會/文化創傷係足以與一啲重要嘅歷史事件比較,我哋所有大學戰爭嘅參與者早已喺呢個過程中被刻下了烙印,我相信真正參與過抗爭嘅人,人生早已走咗一條自己再唔能預視嘅道路,無論係仲喺香港嘅戰友,還是係流落異鄉嘅手足。
呢幾個月沉寂嘅時期,通過唔同嘅渠道都接觸咗唔少嘅手足,個人嘅安全性固然重要,但考慮到長遠要繼續有效地追尋我哋嘅夢想(註一)。我個人都係希望盡可能地尋求更能有效地進行協作嘅合作模式。至少,喺我哋之前唔少嘅失敗經驗裡,就係因為很多團隊之間缺乏良好嘅溝通系統。香港社運友日日內鬥,都少不免錢銀糾紛。期間呢段時間接觸嘅新朋友們,無論係有一定名氣嘅,定係無名義士,大家都概嘆:「唔知做咩好。」
呢個「唔知做咩好」,大概可建基於兩點:一,無能力,二,無資源。所謂國際線,有一定資源者/略有名氣者大多都係沿用舊有模式去嘗試同政客溝通,而一般無相關資源嘅手足,難免感到無力感,只能夠通過twitter去傳達一啲簡單嘅政治訊息。然而,到底係唔係呀邊個邊個同到某外國政要講嘢就係代表住國際線嘅成功呢?如果政治都仲係一種colonialism/emperialism嘅東西,喺西方嘅歷史,似「30年戰爭」,就係一套大國外交博弈史,觀乎中國嘅歷史(戴定頭盔先,我唔認為完全需要否定中國同中華文化),只有喺戰國時代嘅縱橫家之中先稍為得到相關嘅體現。
有一點我成日都會同我嘅戰友講,喺大學戰爭裡,我哋徹徹底底輸咗兩樣嘢:文攻同武鬥。如果理大係勇武抗爭嘅大挫敗,咁中大就係標誌住抗爭者應付不下政治上嘅鬥爭,我哋有好多歷史膠、軍事膠,佢哋熟讀某啲歷史同軍事知識,但當要擺到上檯同人鬥嘅時候,大家似乎仲係幼稚得很(好些有頭有面嘅社運人士都是如此,大概都係太過年輕以致犯下過錯)。 同時,所謂嘅國際線,有主張勇武派嘅抗爭者既曾經不屑於twitter文宣,至到而家社會失去街頭武力呢種手段,或者係經已流亡海外,無咩可以做嘅情況下,大家都會慢慢接受呢個係佢哋唯一可以做嘅嘢(其實係咪唯一?呢個可圈可點,大家都進入咗思考嘅盲點,呢一點都唔只係喺海外流亡嘅勇武義士,流亡政治人物會唔會都忽略咗構造佢哋面目嘅無名義士?大家有無機會進行對話)。大家都想做somebody,講最政治正確嘅說話,其實到最後都原來喺響制度內抗爭。
歸家無期,標題講到魯迅嘅《為了忘卻的紀念》,魯迅唔係只想紀念烈士,我都唔想大家只係同情我哋,我更加唔想自己到最後都只能永遠紀念過去自己。或者到頭來,時間就係自己最大嘅敵人.......
(註一):每個抗爭者嘅最終目標或者多多少少有所不同,有一位我同女勇,admin b嘅前隊友係離開前曾經同我哋講過:「對唔住,請大家為我完成剩低嘅夢想。」,我唔知佢呢一刻,係一個睇唔到明天嘅地方裡面仲有無諗起佢嘅夢想,或者佢已經失去了,但係我成日都會諗起佢呢句說話。
附錄:一啲1112至1118嘅回憶
果個禮拜發生咗好多事,每個抗爭者都有佢自己先睇得到嘅畫面,對於我嚟講,有好多好震撼嘅畫面我可以講,但我倒係先想講講以下幾段:
1112:
喺果日同我哋進入中大嘅幾位手足之中,其中一位隊員早已曾經被捕,喺準備汽油彈以應付我哋當時仲未知道會發生咩事嘅傍晚,其實在場同唔在場嘅人早已知道呢日將會唔尋常,係最壞嘅scenario下,我哋假設大部份人都會被捕,我同果位隊友講:「陣間我哋企前好喇,你唔洗企太前」「哦,得啦」佢當時咁答返我。
最後,果晚佢喺響第一排身中子彈受傷退場。
1117:
喺旺角等待隊友集合之時,聽到身邊幾個年輕手足拉低豬嘴抖氣講:「今晚係我第二次出嚟」 ,我就知道,火種係唔會就此熄滅。
1118:
有對情侶勇武同我哋商量陣間有咩打算嘅一段對話
「無啦,今晚嘅推進(指抗爭者)仲衰過尋晚」
「其實無,唔會再有人嚟幫手,前邊只有呢啲人數,後面多幾萬都無用」
「除非我哋有人突襲高鐵站」
「12點前啲人就會為咗聽日返工而散場」
- admin c (唔係女勇,男人嚟,呢個channel有男人同唔係個個都流亡咗)
@HongKongValiantSpeaks
IG | FB
《與時間嘅抗爭 - 為了忘卻的紀念》- admin C
如果2019係漫長嘅話,或者相對嘅2020就係轉眼即逝,如果呢個世界嘅時間唔係絕對客觀的話,我諗自己大概唔會意識到,原來中大保衛戰跟理大圍城,都已經係一年前所發生嘅事。
我有預感大家呢個星期都會有大量嘅文宣係圍繞著中大同理大嘅事情,畢竟就2019嘅抗爭而言,中大同理大就係所謂最白熱化嘅情節,喺震撼程度遠遠超過612、721、831、1001等事件嘅重大轉捩點。某程度嚟講,如果以一般抗爭者所講嘅「維持抗爭熱度」論調嚟講,中大理大所造成嘅社會/文化創傷係足以與一啲重要嘅歷史事件比較,我哋所有大學戰爭嘅參與者早已喺呢個過程中被刻下了烙印,我相信真正參與過抗爭嘅人,人生早已走咗一條自己再唔能預視嘅道路,無論係仲喺香港嘅戰友,還是係流落異鄉嘅手足。
呢幾個月沉寂嘅時期,通過唔同嘅渠道都接觸咗唔少嘅手足,個人嘅安全性固然重要,但考慮到長遠要繼續有效地追尋我哋嘅夢想(註一)。我個人都係希望盡可能地尋求更能有效地進行協作嘅合作模式。至少,喺我哋之前唔少嘅失敗經驗裡,就係因為很多團隊之間缺乏良好嘅溝通系統。香港社運友日日內鬥,都少不免錢銀糾紛。期間呢段時間接觸嘅新朋友們,無論係有一定名氣嘅,定係無名義士,大家都概嘆:「唔知做咩好。」
呢個「唔知做咩好」,大概可建基於兩點:一,無能力,二,無資源。所謂國際線,有一定資源者/略有名氣者大多都係沿用舊有模式去嘗試同政客溝通,而一般無相關資源嘅手足,難免感到無力感,只能夠通過twitter去傳達一啲簡單嘅政治訊息。然而,到底係唔係呀邊個邊個同到某外國政要講嘢就係代表住國際線嘅成功呢?如果政治都仲係一種colonialism/emperialism嘅東西,喺西方嘅歷史,似「30年戰爭」,就係一套大國外交博弈史,觀乎中國嘅歷史(戴定頭盔先,我唔認為完全需要否定中國同中華文化),只有喺戰國時代嘅縱橫家之中先稍為得到相關嘅體現。
有一點我成日都會同我嘅戰友講,喺大學戰爭裡,我哋徹徹底底輸咗兩樣嘢:文攻同武鬥。如果理大係勇武抗爭嘅大挫敗,咁中大就係標誌住抗爭者應付不下政治上嘅鬥爭,我哋有好多歷史膠、軍事膠,佢哋熟讀某啲歷史同軍事知識,但當要擺到上檯同人鬥嘅時候,大家似乎仲係幼稚得很(好些有頭有面嘅社運人士都是如此,大概都係太過年輕以致犯下過錯)。 同時,所謂嘅國際線,有主張勇武派嘅抗爭者既曾經不屑於twitter文宣,至到而家社會失去街頭武力呢種手段,或者係經已流亡海外,無咩可以做嘅情況下,大家都會慢慢接受呢個係佢哋唯一可以做嘅嘢(其實係咪唯一?呢個可圈可點,大家都進入咗思考嘅盲點,呢一點都唔只係喺海外流亡嘅勇武義士,流亡政治人物會唔會都忽略咗構造佢哋面目嘅無名義士?大家有無機會進行對話)。大家都想做somebody,講最政治正確嘅說話,其實到最後都原來喺響制度內抗爭。
歸家無期,標題講到魯迅嘅《為了忘卻的紀念》,魯迅唔係只想紀念烈士,我都唔想大家只係同情我哋,我更加唔想自己到最後都只能永遠紀念過去自己。或者到頭來,時間就係自己最大嘅敵人.......
(註一):每個抗爭者嘅最終目標或者多多少少有所不同,有一位我同女勇,admin b嘅前隊友係離開前曾經同我哋講過:「對唔住,請大家為我完成剩低嘅夢想。」,我唔知佢呢一刻,係一個睇唔到明天嘅地方裡面仲有無諗起佢嘅夢想,或者佢已經失去了,但係我成日都會諗起佢呢句說話。
附錄:一啲1112至1118嘅回憶
果個禮拜發生咗好多事,每個抗爭者都有佢自己先睇得到嘅畫面,對於我嚟講,有好多好震撼嘅畫面我可以講,但我倒係先想講講以下幾段:
1112:
喺果日同我哋進入中大嘅幾位手足之中,其中一位隊員早已曾經被捕,喺準備汽油彈以應付我哋當時仲未知道會發生咩事嘅傍晚,其實在場同唔在場嘅人早已知道呢日將會唔尋常,係最壞嘅scenario下,我哋假設大部份人都會被捕,我同果位隊友講:「陣間我哋企前好喇,你唔洗企太前」「哦,得啦」佢當時咁答返我。
最後,果晚佢喺響第一排身中子彈受傷退場。
1117:
喺旺角等待隊友集合之時,聽到身邊幾個年輕手足拉低豬嘴抖氣講:「今晚係我第二次出嚟」 ,我就知道,火種係唔會就此熄滅。
1118:
有對情侶勇武同我哋商量陣間有咩打算嘅一段對話
「無啦,今晚嘅推進(指抗爭者)仲衰過尋晚」
「其實無,唔會再有人嚟幫手,前邊只有呢啲人數,後面多幾萬都無用」
「除非我哋有人突襲高鐵站」
「12點前啲人就會為咗聽日返工而散場」
- admin c (唔係女勇,男人嚟,呢個channel有男人同唔係個個都流亡咗)
@HongKongValiantSpeaks
IG | FB