《如果決意進攻功能組別，請先問責泛民》

啫係咁，如果大家都同意玩功能組別呢個弱智遊戲既，本admin都無野好講，政治是眾人之事，大家同意呢個不公平既規則，點阻到大家？

但既然大家覺得進攻功能組別咁有用，而且必要到反送中過後仲要做，咁啫係功能組別議席好重要啦，又有錢，又可以選特首，仲有民意寄托wo。既然咁重要，點解 泛 民 過 去 二 十 二 年 無 盡 力 ？

原來只要組織多d公會，就可以贏到，咁點解要到今時今日先組？職工盟以前死左去邊？

原來只要多人參加就可以拎到過半，咁點解過去二十二年有自動當選？

原來只要玩議會遊戲，就可以阻到香港赤化，咁點解香港今時今日會變成咁？

泛民可以容許以上情況出現，一係無能，一係黑心。無論邊一種，都無資格拎到議席，無資格拎到光環。你地過去二十二年唯一既努力就係玩選舉遊戲，而你玩得極度之差，點信你？

選到之後點？繼續關鍵時刻缺席？繼續支持中國殖民？投票同香港民意唱反調？繼續入中聯辦？

進攻功能組別最大功能，係顯示出販民何等弱智。