👉🏻關於💪🏻和你餐良心店 （非餐廳食肆 ）成立原因 + 發展 + 歷史


本台係2020年5月初成立🤗， 可能有啲人會覺得場運動發展咗咁長時間、咁遲先去成立依一個台嘅🤨🤔。。。 之所以會誘發成立依一個台完全係因為經歷完五一黃金週之後， 睇咗好多相關嘅數據， 大家都好開心覺得做就做咗差不多兩億嘅生意額， 不過數據話畀我哋知九成嘅生意額都係落喺食店， 我唔係話支持食店唔啱， 但係其他良心店都有付出，但係總係容易被人忽略遺忘😔， 亦都記得曾經有一個店主好感慨同我講：「 其他人最先會諗起係食店，最需要嘅亦都係食店， 其他唔係必需品， 唔係明星店嘅、 如果冇乜畀媒體報導嘅。。。 其他人根本就唔會知。。。 依家咁嘅事勢好多人都冇嘢做， 更加唔會容易令人諗起。。。 就算告急都可能人哋只係能夠幫到一時三刻。。。

所以本台更加希望將其他良心店更加普及令到大家知道， 邊一度有大家想搵嘅眼鏡店、寵物店、 凍肉舖、 生果檔等等。。。 我好相信越多人知道就會更加多人去講、多人記得。。。

曾經有好多人質疑、攻擊、批評、 中傷。。。 本台發展歷史唔算長久，令人質疑亦係本台需要反思去諗點樣改善。。。 本台唔係想做大台， 冇權去決定、定斷任何一間店舖是否良心， 全靠大家報料， 本台只係提供一個資訊平台給予大家🙂 不論係善意嘅意見，惡意嘅批評；本台都願意聆聽， 因為每一句都係推動本台發展得更美好。。。

曾經有好多人會疑問；本台介紹咁多間良心店 係咪從中收受利益？ 我哋呢一班 admin 都係好愛香港嘅香港人， 手足報料後， admin 再花時間去fc做research， 一個post嘅資料整合；快可能半個鐘、慢兩三個鐘。。。 如果問到 admin 有冇同啲良心店店主接觸？？ 與良心店接觸只係因為想confirm 出post嘅資料係正確， 當中都只係透過文字，並冇實際嘅見面， 即使admin去良心店支持亦唔會表露身份， 我哋可能係一班好傻仔嘅香港人，但只因為我哋好愛呢一個地方。。。

原本本台由5月成立曾經輸入過好多介紹良心店嘅資料， 7月1國安法生效後，因為保障同路人，敏感字句、圖片全部先delete， 不論該店嘅良心行為是派飯給予長者、做義工、捐贈物資等。。。 避免因為良心行為而被人批鬥， 故此；所有良心店嘅良心行為都會隱藏， 請每一個手足自行判斷🙏🏻

本台有關良心店資訊會持續更新，歡迎所有手足繼續報料， 感謝所有支持及分享嘅手足🙏🏻 不過人手有限， 有時整合資料上需要時間，還請各位多多體諒🙏🏻

歡迎各位follow channel & group

Channel ：
t.me/HKYellowshop_channel

group：
t.me/HKYellowshop