Репост из: 星火同盟 抗爭支援
【義士來鴻】
2016年旺角魚蛋革命釋囚義士發仔,於去年十一月反送中運動理大圍城一役中,不幸再度被捕,還押至今已達一年。
再度面對四面圍牆,發仔並無氣餒,而且繼續關心海內外手足的情況。他亦有建議給予面對審訊的手足。
****
致牆外手足、海外手足、奶茶聯盟正奮鬥中之泰國手足:
尋日十月三十一日,係難得、久違值得略為欣慰嘅一日。八三一暴動案七名被告手足,全部罪名不成立。暴動罪罪成嘅刑期之長、以及其入罪牽涉範圍之廣暨門檻之低,令該罪一直成為最受人關注兼憂慮嘅控罪。另,相比其他控罪,該罪可供參考嘅判詞案例,亦只有魚蛋三十三名、然後就已經係今年新判完嘅數單案。因此,法庭、辯控三方各自喺度摸索緊該罪嘅各種框架、灰色位,仿如新大陸。
被控暴動者約有七百人之多,而當中結案者不足半百,寥寥十數廿人。絕大部份被控者依舊懷住不安、不確定嘅思緒去上庭、上庭再上庭。縱使各人有律師處理事宜,但最終坐嘅只會係被控者本身,故此,若然本人本身對該罪一知半解、所知甚有局限嘅情況下,又點樣能夠真正為自身作最適合嘅決定,即to be or not to be呢?過往暴動案判詞涉及數十位或罪成或甩罪嘅詳細情況說明、原因、打嘅手法……我相信越多人關注、法律層面嘅討論,係會令被告暴動者更能了解當中呢一切有利佢作決定嘅資訊,而非僅限於各自專責律師一途。我實在不忍心見到有重蹈覆轍、因了解不足、而再出現作出不適合自身案情嘅決定。今時今日已非昔日魚蛋之時,已有一定數量案例可供參考、研究。
各位已身處台灣、澳洲、英倫、北美嘅手足,過得好唔好啊,新生活?記掛香港同時,請務必好好照顧自己、齊上齊落。老土嗰句:「別了依然相信,以後有緣再聚,未曾重遇以前,要珍惜愛自己。」同埋,唔准自責啊~!每人有生而追求不受壓迫嘅自主自由權利!至於正值街頭,同為反壓迫而奮鬥嘅泰國手足,我想同你哋講,你哋不單只正為你哋自身而爭,你哋嘅精神亦鼓舞咗久陷囹圄嘅香港牆內手足,包括我。每次於報紙見到你哋嘅身影、象徵反權威嘅三指手勢,再憶起過往種種畫面,千緒百念全湧上心頭!在此,祝願汝等早日成事,亦祝願平安。
二零二零年十一月一日(夜)發仔
https://www.facebook.com/sparkalliancehk/photos/a.1989972677956521/2927911314162648/?type=3
2016年旺角魚蛋革命釋囚義士發仔,於去年十一月反送中運動理大圍城一役中,不幸再度被捕,還押至今已達一年。
再度面對四面圍牆,發仔並無氣餒,而且繼續關心海內外手足的情況。他亦有建議給予面對審訊的手足。
****
致牆外手足、海外手足、奶茶聯盟正奮鬥中之泰國手足:
尋日十月三十一日,係難得、久違值得略為欣慰嘅一日。八三一暴動案七名被告手足,全部罪名不成立。暴動罪罪成嘅刑期之長、以及其入罪牽涉範圍之廣暨門檻之低,令該罪一直成為最受人關注兼憂慮嘅控罪。另,相比其他控罪,該罪可供參考嘅判詞案例,亦只有魚蛋三十三名、然後就已經係今年新判完嘅數單案。因此,法庭、辯控三方各自喺度摸索緊該罪嘅各種框架、灰色位,仿如新大陸。
被控暴動者約有七百人之多,而當中結案者不足半百,寥寥十數廿人。絕大部份被控者依舊懷住不安、不確定嘅思緒去上庭、上庭再上庭。縱使各人有律師處理事宜,但最終坐嘅只會係被控者本身,故此,若然本人本身對該罪一知半解、所知甚有局限嘅情況下,又點樣能夠真正為自身作最適合嘅決定,即to be or not to be呢?過往暴動案判詞涉及數十位或罪成或甩罪嘅詳細情況說明、原因、打嘅手法……我相信越多人關注、法律層面嘅討論,係會令被告暴動者更能了解當中呢一切有利佢作決定嘅資訊,而非僅限於各自專責律師一途。我實在不忍心見到有重蹈覆轍、因了解不足、而再出現作出不適合自身案情嘅決定。今時今日已非昔日魚蛋之時,已有一定數量案例可供參考、研究。
各位已身處台灣、澳洲、英倫、北美嘅手足,過得好唔好啊,新生活?記掛香港同時,請務必好好照顧自己、齊上齊落。老土嗰句:「別了依然相信,以後有緣再聚,未曾重遇以前,要珍惜愛自己。」同埋,唔准自責啊~!每人有生而追求不受壓迫嘅自主自由權利!至於正值街頭,同為反壓迫而奮鬥嘅泰國手足,我想同你哋講,你哋不單只正為你哋自身而爭,你哋嘅精神亦鼓舞咗久陷囹圄嘅香港牆內手足,包括我。每次於報紙見到你哋嘅身影、象徵反權威嘅三指手勢,再憶起過往種種畫面,千緒百念全湧上心頭!在此,祝願汝等早日成事,亦祝願平安。
二零二零年十一月一日(夜)發仔
https://www.facebook.com/sparkalliancehk/photos/a.1989972677956521/2927911314162648/?type=3