【#試閘簡報】2021/01/08 田泥
第一組
「平海飛星」、「紅運大師」兩匹同一套操練,呢啲大閘走過冇大錯就算。「神舟時代」加頭罩交叉鼻箍用意明顯,要穩定早段走勢,今課亦刻意教後追。
第二組
「鋼鐵福陞」贏甩純粹因為頭段25.1放出嚟再逐段推快,初起水準。「信心滿滿」考閘,步頭踢出去仍然好力水。「輝煌巨星」長路馬輕輕竄一段對辦。
第三組
「勝利才子」偷內欄上,有少少側身挨入去,未知係咪因為畀馬壓住跑,暫時只係保持進度而未好搶眼住。「牛精麒麟」跑姿應該可以再流暢啲,暫未睇到有咩特別缺點。「快快趣」繼續保持拉住嘭嘭聲鬆落好似冇乜嘅感覺。