屠龍小隊George:
*懇請大家,聽日12.8一定!要出嚟!*
唔好俾港共政權以為我哋鬆懈、收咗貨;
亦話俾受傷、被捕嘅手足知,大家無忘記佢哋,更加無放棄過爭取
612中信圍困開始,至少幾千個手足,爆眼、腦出血、斷手斷腳、被性侵強姦、實彈射爆內臟,
無數嘅失蹤……仲有幾多個大好前途、善良嘅年輕人,被政權親手推咗落樓……
當中有啲係一齊出生入死過嘅手足
一諗起就好痛苦,但真係未敢忘記,唔會原諒
我哋好鍾意香港呢個地方,甚至鍾意每一個善良嘅香港人。
親眼見到香港人嘅權利同自由被剝削,
我哋真係忍唔到
所以呢幾個月我哋出咗嚟,受完傷又繼續出嚟
見住咁多手足終身傷殘,驚唔驚?
驚,但係我哋無第二條路
區選贏咗,但係雙普選會有嗎?
人權法案通過咗,但幾時先真係有制裁?
港共對手足嘅殘害就每日都發生緊
我哋接受唔到殘害香港人嘅政權安然無恙呀!!!
我哋會繼續全力投入抗爭,希望有你哋支持不割蓆🙏
我哋已經係社會嘅隱形人,屋企都無得返
讀書嘅,返唔到學,完成唔到學位,做唔到理想嘅職業
返工嘅,唔係辭咗職,就係因為投爭被解僱,就算有學位都唔使旨意有career path
曾經嘅人生同理想,我哋放棄晒
而家唯一嘅理想就係同政權鬥長命,持續抗爭,攬抄!
自從開咗呢個Channel,就有唔少分化、捉鬼、抹黑嘅聲音
其實我哋一直有同其他小隊合作,都好難作假😓
我哋本身唔少隊員正職收入都可觀,而家需要講課金,真係曾經有心理關口
但呢幾個月嘅抗爭、醫療同生活開支龐大,除咗負擔自己隊,我哋亦會支援其他小隊
我哋想準備更多措施,有效抗爭又保護到自己,始終一旦被捕,就好難繼續抗爭。
長期抗戰,我哋已經預咗,從詳計劃緊。
手足唔係Condom,家長們都唔係Condom,我哋希望保障大家安全
課金唔需要任何個人資料,好希望你哋可以dm
@Abc123bbc ,幫助呢場抗爭
就算課唔到金,都麻煩幫我哋share出去,好多謝你哋嘅支持同關注
12.8 屠龍Online 正式啟服!