你問我答 中文Channel

@DSEchichannel Нравится 0
Это ваш канал? Подтвердите владение для дополнительных возможностей

中文科有用資訊、tips,唔係唔睇呀嘛
Гео и язык канала
Китай, Китайский
Категория
не указана


Гео канала
Китай
Язык канала
Китайский
Категория
не указана
Добавлен в индекс
06.03.2020 09:15
реклама
TGAlertsBot
Мониторинг упоминаний ключевых слов в каналах и чатах.
Telegram Analytics
Подписывайся, чтобы быть в курсе новостей TGStat.
TGStat Bot
Бот для получения статистики каналов не выходя из Telegram
557
подписчиков
~289
охват 1 публикации
~40
дневной охват
~24
постов / месяц
51.9%
ERR %
0.31
индекс цитирования
Каналы, которые цитирует @DSEchichannel
Последние публикации
Удалённые
С упоминаниями
Репосты
是咁的,今日中文科問書谷出現了一粒很有趣又令人摸不著頭腦的花生。
有見及此,本人代表中文科再次嚴正聲明一次:
我哋嘅問書谷都係義務,提供免費問書/改文/學術支援服務
所有導師都係義務 義務 義務 提供幫助以及教材/筆記等
係完全冇牽涉任何利益/金錢!!!!
(講明係免費問書谷 免費免費免費!!!)
所以我哋拒絕任何收受利益的信息/廣告
任何同金錢/利益有關的信息/廣告係嚴禁出現
一旦發現出現呢啲,將會被警告,並且會要求停止發放該類信息
如果態度惡劣者,多次勸諭下未見收斂,會被要求離開群組!!

另外,如果有同學反映有pm兜售筆記/練習等情況出現,
我哋係絕對會公開兜售者嘅tg資料~都會見一個ban一個⋯(^-^)~

我哋致力營造一個良好的問書平台俾我哋啲同路人
中文科明天開考在即 唔知同學準備成點樣
到依家呢一刻心態係致勝的其中一環
好多應試技巧和tips平時無論係grp或者同學pm導師,相信都已經分享過好多

關於大家最緊張 最俾心機操練的作文卷 好多改善建議同埋如何得分,又因何扣分
有睇channel嘅你 你 你 你 我相信一定都識
都見到好多同學睇完channel講嘅嘢 再作嘅文 係脫胎換骨 分數方面亦都有所提升
如果喺呢一刻你仲依然迷茫緊 完全摸不著頭腦 我希望channel講嘅嘢 可以俾一個方向你
至少開考時 你寫的文章 係一篇真正中六水平的作文 該有的扣題/主題句/結尾 齊齊整整地呈現

然後 都收到好多同學們的綜合練習
大家犯的錯誤都是大同小異 一次過喺呢度講
記住綜合卷唔係越長越好 記住係要中point
你就算一段寫咗成版都好 但依然唔中一個point的話 你得到的分數仲會少過人哋只係得半版
通常好多得分的論點 會出現喺錄音 或者資料的標題/重點主題
如果你仲未熟悉 仲係唔識點樣搵到重點
我建議你呢一刻唔好再死做 傻傻地以為寫得多就會贏 畢竟大包圍戰術除了讓改卷員疲勞 對於分數幫助甚微
要知道有咩方法可以好似執中藥咁 執啱劑量 並對症下藥
參考評分準則 有清楚列明邊啲有分 分數係如何分配
(當年完全遺忘要操綜合卷的過來人 全靠鑽研marking 然後執啱藥 對到DSE症)

最後最後 我知道取消說話考試一定會大家有影響 甚至打亂大家的計劃
但係呢個世界就係咁樣 永遠計劃趕不上變化
中文科 雖然成日被宣傳為「死亡之卷」 但我見到好多同學喺中文科付出的努力
最重要係見到有同學真係有進步 對好多同學我都好有信心
開考的時候 記住 心無旁騖 empty your mind 平常心面對
我等緊大家的好消息 加入返中文科的大家庭

長氣都提多句:
聽日麻煩帶齊文具! (考試文具極其重要 帶唔夠你真係會驚 唔好問我點解知)
鉛筆/擦膠/螢光筆/3枝原子筆(可以的話唔好用墨水筆)
鉛筆(唔係鉛芯筆)一枝最好係唔尖嘅
螢光筆識得好好運用的人有福了 因為文章主題/中心思想/資料重點 全是你的!


大家今晚早啲休息,如果有同學超過11點仲喺grp發問 (偷偷pm我都會知架!) 我唔排除會有禁言行動架~
香港的各大專院校正等緊大家大家考入去
DSEr 加油!!!
長都同我睇晒佢 當最後練習一次閱讀理解(^_^)v
Читать полностью
各位同學:

自去年六月開始,大家都經歷了難受的一年。在抗爭與肺炎的交逼中,大家終於走到 DSE 的一步。能陪伴大家,是導師們的榮幸。

中文科將於4/5開考,最後兩天的忠告:

卷一:
甲:如果求** 的,請熟記十二篇的內容,包括寫作背景及文體特色(往往最難的問題都會據此設題)。如果只求三等,亦要確保熟讀十二篇的內容大要。
另外,知道甲部大家有備而戰。但甲部佔分不重,切勿花太多時間糾纏於甲部。

乙:白話文篇章方面,建議先瀏覽文章一遍,明白內容大意後,再處理題目。因為不少題目都係圍繞文章中心思想設題。另外,如果有4分/6分的難題(通常放最後)﹐請按自己對文章的理解嘗試作答,不要漏空,亦不要「磨爛蓆」花大多時間處理。
文言文:不要放棄!外面不少同學望文言文生畏,甚或整 part漏空。大家背過12 篇,做過無數 past paper﹐對文言總有底的,請盡量嘗試回答。閱讀題目多一兩遍,亦會有助同學理解文章。


卷二:
選題:攞到份卷,見到自己寫慣的題型突然出得很深,轉唔轉其他題好?
除非很有把握,否則不要轉!因為臨時改寫不熟悉的題目類型,無論語調同修辭都會有唔同,胡亂轉風險極大。

內容:收到題目後,諗諗有咩「扣題位」要處理,然後就按扣題位擬好大綱才下筆。另外,請每寫完一段就望一次題目,確保自己寫的不會離題。

修辭:寫完文章後,建議花少少時間執執文句。有冇邊 d句子可以改流暢些?有冇邊 d字可以改成四字詞?


卷三:
四柱細項不一一細講的。
但記得分配好時間。整合拓展、見解論證佔分其實差唔多。請確保自己有足夠時間同篇幅處理好每一點,不要顧此失彼即可。

最後,最重要是多休息,給自己心靈放鬆才進入考場。各位同學加油。祝

考試順利
香港重光

你問我答中文 channel啟
Читать полностью
Репост из: Неизвестно
4月20可以復課嗎?
Опрос
  • 不可
  • 無意見
4561 голосов
今日談談如何扣題
題目中有的字眼 請大家務必/一定/謹記 要瘋狂出現喺文章內容中
而且每一段的內容 描寫 事件安排 都一定一定 只同題目中的keyword有關就好了
希望你哋睇完呢篇尷尬經歷 會對於扣題的掌握有小小理解~
加油,唔好放棄!
就算你得到的係一個過期/發黃的口罩,都唔好放棄自己,放棄DSE
放棄呢個on9正苦好了~香港未來都仲要靠你哋!
各位辛苦了~
Attached file
同埋大家記得用adobe scan(app)
scan好遮名先俾我
好多同學非常踴躍咁分享自己的作文,發現有不少同學都容易犯的錯誤,決定一次過喺呢度講一講。大家可以留意一下自己作文會唔會都出現以下問題:

1. 內容不扣題,出現一些與題目不符合的情節/與題目設定有衝突的情節/未能理解或誤解題目要求,導致寫錯了內容

2. 文章句子平淡無奇,缺乏適當的修辭和字詞潤色。遣詞造句猶如流水帳,只是陳述時地人事,以最沈悶最乏味的手法展現文章。

3. 文章立意不夠深入,常常流於表面的一些「感悟」,其實並沒有帶出任何有用/正面/加分的信息。倉促結尾,感情亦未見昇華,例如和朋友相處,除了珍惜友情,感概有朋友真好,或者和朋友解開誤會,就止步不前,並沒有深入解釋。匆匆略過,令人覺得 「嗯?完啦?」嘅感覺

4. 主題設定不正確,思想不正確呀同學,所有愛情/情侶爭執/殺人放火/訓斥不應追求學業成就的內容,請勿出現。如果你想分享自己的戀愛觀/感情事,請你去ig慢慢抒發,或者pm導師(當然DSE就到,希望大家六根清淨,有咩DSE之後先講)抒情文你可以寫友情/親情/對老師的敬愛,但男歡女愛/韓劇狗血劇情請你留返他日自費出書。想講夢想,講達成目標,講心結,咩都好,請記住讀書萬般好,DSE係最好~(雖然我都唔想承認,但你唔鍾意還唔鍾意,考試都係要吹捧)大家都係考一次,都想考完一次就得道成仙,所以你昧著良心講佢好都係一次。

仲有其他問題但未算十分嚴重,都不在此贅述。
相信好多同學都會問啦,咁又唔得,呢樣又唔好,究竟點樣打救自己?我好簡單地先以2019年試題為例,講小小方向,等大家摸索一下~(時日無多,要摸就快啦)


2019 dse中文卷二題目如下:
【題目1】試以「這一句話,我會記上一輩子。」為首句,續寫這篇文章。

續寫文章,保命做法一定一定建議你將題目講嘅嘢寫一次。
「這一句話」,我建議大家係時候拋書包,識咩論語/古文係呢個時候背啦!然後「這一句話」,我唔理係「你是最棒的,你知道嗎?」定係「見賢思齊焉,見不賢則內自省也」咩話都好,一定要老是/經常出現在不同段落中。
呢句說話你記一輩子架,當然都唔會係啲100字箴言啦,諗句合情合理,唔太誇張的句子,然後整篇文章圍繞佢講一個故事。 最後結尾除了重申「這句話」,都試下做小小感情昇華,例如對你講呢句話的人,你對佢係點樣尊重,敬仰,或者你都好希望他日都可以成為別人的「那句話」燃亮生命


【題目2】試就你對詩歌《想想別人》的體會或聯想,以「想想別人」為題,寫作文章一篇。

首先 如果你發現睇完都唔明詩歌想帶出咩信息的,我請你果斷放棄佢,然後出門轉左。呢啲文章,一旦你的體會/聯想出錯,咁成篇文章除咗滿盤皆落索,就係下年再考過。
由於呢篇文章發揮空間太大,決定明日/或者後日/或者有日出個範文俾大家參考

但重點 看不懂就let it go

【題目3】俗語說「萬般皆下品,惟有讀書高」,也有人說「讀書無用」。試寫作文章一篇,談談你對「讀書無用」的看法。

題目「讀書無用」其實已經有前設係「讀書好有用」,議論文同學最常犯的錯就係背例子,瘋狂背例子,一段3個例子。其實議論文看重的唔係你有幾多例子,而係你自己的觀點,你點睇,你點解咁睇,例子只係支持你觀點的其中一種工具。
如果議論文只係得例子,而毫無個人見解就可以合格或者高分,咁,以後呢啲題目直接寫例子文啦。

議論文同通識寫嘅嘢有共通之處,就係除咗寫自己的立場,都要兼論反對意見,然後再用打倒反對意見。記住一定要有駁論。

好多時候,寫議論文同學都忘記最後一一步,就係點樣透過自己的長篇大論說服人,帶出一個信息。 呢題「讀書無用」,最後帶出咩信息?可以係如果只沈迷「書」中的一切,卻罔顧了現實,那麼讀再多書,亦是枉費。正所謂知之者不如好之者,好之者不如樂之者。怎樣讀,讀什麼,書是什麼,何謂好書,怎樣定義有用/無用,都係處理呢篇文章你可以用嘅切入點。


我知有啲長,但希望大家睇一睇,就當睇閱讀理解啦
如果睇完仲有問題,或者有文要改,歡迎pm
建議騷擾 老細 @okkookkookk
Читать полностью
心結5**在線等
為大家改心結~
當然任何題目都歡迎🥰🥰🥰

~老細~
Attached file
突發有文睇 今次係深受同學歡迎的心結
歡迎大家討論 一齊解開心結~

如果你寫咗呢篇文 歡迎騷擾 @okkookkookk 佢好樂意幫助大家
Attached file
說好的範文賞析 同學可以參考一下 陸續有來~~~
另外 宣傳一下改文大使 @okkookkookk 表示很有心想幫助同學睇文 俾意見
希望大家都唔好怕醜 多啲打擾佢啦~^_^
Attached file
是咁的,知道同學最近應該頭痛緊DSE,肺炎肆虐之際,疫情尚未受控,但政府依然宣佈如期進行考試。
最近好多同學喺grp問起改文,其實已經提過好多次,
要改文 直接 pm @aabb4567 或者 @Lihkgv
如果未有即時回覆你 可以再pm多次 有時可能miss msg
唔需要喺grp問改文找誰 邊個可以幫我睇文etc......

另外有任何問題你唔明白想問人,都可以直接喺grp搵任何一位有老師/導師/tutor title嘅人問。

希望同學喺呢段時間可以堅持 唔好放棄。
另外,夜啲會喺channel 放啲作文以及分析俾大家睇,
睇下人哋點樣寫文,如何處理一啲文章結構,如何扣題。
雖然未必每一篇都係上上作,但睇完都一定學到一啲技巧。
如果你睇完有嘢問,或者想討論都可以喺grp講或pmadmin/導師
改文時間:

1. 地址正確寫法為先地址後機構,唔會掉轉。

2. 投訴信要具體列出投訴內容,以「嘲諷」「抹黑」「隱喻」作投訴內容,顯然非常空泛。

3. 投訴信需要列出跟進要求如道歉﹑賠償等,並列出期限及聯絡方式。但警察一句都冇講。

4. 投訴信請針對節目內容投訴,你地做咗幾多野冇人有興趣知。

以投訴信角度,呢封信格式錯內容錯,建議警察搵個識字既來寫信。或者可向我地請教。
各位同學:

停課期間,概信大家也正在準備 DSE。很感恩不少同學願意作文並交予導師批改。能見證著大家的進步,能與大家同在,我們亦十分欣喜。

近日不少同學就卷三有疑問,現一併解答。(如有其他疑問,可以係 group 問呀!)

1. 整合拓展比分係咪改咗?
係!
以前比分係1+2(整合) +5(拓展) 模式。現在係跟品位睇整體評。

以前抄啱資料,毫無拓展,可以攞齊3分。現今制度下,最多只會2分。另外,若果一段整合拓展要取得7/8分,則3個細 point都要拓展完備才可。同學宜自行衡量答題時間。

2. 做舊卷有冇用?
Past paper 建議只做近3年。

因為之前舊制卷三設題形式及評分標準同現在有很大分別,尤其整合拓展一柱分別更大。再古舊的卷三甚至要整合拓展3點,同樣不太適宜作試前練習用。

若果是坊間習作,可以先比導師過目再決定。

3. 見解論證,係咪可以自創角度?
睇情況。

錄音中通常都會問可否用其他角度論證,如錄音中明確講可以,那就可以。如沒有明言,則不建議。

4. 見解論證是否需要比較其他選項
不用!

考評局早2-3年已考試報告提及考生不用比較其他選項。


5. 比導師改卷三,點解要比答案?導師唔識嗎?
非也。

事實上每份卷三評分標準也很主觀,很難有一致標準。例如格式佔2分還是3分,有時 past paper也很難說得準。
另外整合拓展處往往需要同學做配對,而配對的對錯是非常影響分數。(配對錯誤肯定下品評分)所以如果可以,盡量把有關 marking send 比導師更佳。

最後,祝各位考生身體健康。
Читать полностью
你問我答 中文Channel 27 Nov 2019, 16:00
語例補給站😼👨🏻‍🏫👨‍⚕️

勇敢-語例

(1) 泰山崩於前,而色不改    (宋) 蘇洵

(2) 初生牛犢不怕虎      

(3) 不入虎穴,焉得虎子?    (東漢)班固

(4) 勇者不懼
孔子

(5) 本來無望的事,大膽嘗試,往往能成功。 (英) 莎士比亞

(6) 你若失去了財產——你只失去了一點兒。你若失去了榮譽——你就丟掉了許多。你若失去了勇敢——你就把一切都失掉了! 歌德

(7) 勇氣是一個人處於逆境中的光明。
華福納格


其他人物事例:黃福榮、福島死士、趙雲、司馬遷為李陵辯護,坦然面對酷刑、秋謹、富蘭克林試驗蓄電、藺相如、孫中山

☝🏻同學可嘗試自行google 自己寫下或者諗下口語可以點講
你問我答 中文Channel 26 Nov 2019, 16:00
事例補給站😼👨🏻‍🏫👨‍⚕️

勇敢-事例(五)︰

荊軻是著名的刺客,擅長擊劍,武功高強,受到太子丹欣賞。當秦軍逼近燕國時,太子丹命荊軻刺殺秦始皇。荊軻與秦舞陽帶著秦國叛將樊於期的頭顱和議和的地圖出發,臨過易水,慷慨悲歌:「風蕭蕭兮易水寒,壯士一去兮不復還!」到了咸陽,取得秦始皇接見的機會。秦舞陽一見秦王,嚇得臉色蒼白。荊軻談笑自若,從秦氏手中接過地圖,獻給秦始皇。地圖打開,露出一把鋒利的匕首。荊軻急取匕首向秦始皇刺去。秦始皇驚跳起來,荊軻緊追不捨。在這緊急關頭,御醫用藥袋砸擊荊軻,秦始皇乘機拔劍,砍斷荊軻左腿。荊軻倒地,撿起匕首向秦始皇投去,結果匕首砸在銅柱上。最後荊軻為秦始皇的侍衛所殺。荊軻英勇無畏的氣概,備受後世文人吟咏,其事跡傳頌千古。

⚠️同學切忌背誦 此補給站志在增進常識 例子需靈活運用
♻️位置為分析 可因應題目所需轉用自己文字解釋