Telegram-канал "香港酒店工會Channel" — @hotelsecret

香港酒店工會Channel

3 Mar 2022, 04:26

工會近日再接獲東涌世茂喜來登酒店員工爆料，指酒店在爆發肺炎疫情其間的衛生意識係”零”，完全罔顧員工及外藉trainee安全，做成社區爆發的導火線。

酒店管理層處理手法拙劣，失當措施包括 :

1. 由第一位員工確診開始，公司只是叫員工自我做檢測及注意個人衞生，完全欠缺衛生防護意識。
2. 公司聲稱會進行消毒，其實只是敷衍了事，只是噴下㩒𨋢製和門手柄及拖地，沒有全面消毒。
3. 員工確診後，公司對內沒有透路任何消息及名單，欠缺透明度，令到其他同事人人自危。
4. 自助早餐期間有員工感到不適，自行做快速測試結果為陽性，但早餐營運繼續進行，沒有進行任何即時消毒，大大增加病毒傳播風險。
5. 數名年輕的外藉trainee確診，公司對他們零關心，更打算提早完約，即使trainee痊愈都不能上班工作！
6. 兩間喜來登酒店，有其中一間為quarantine hotel，但兩邊的員工都是隨意出入兩間酒店，與一開始表示會做足預防措施，兩邊員工不會互通的承諾完全不一樣，擔心容易做成社區爆發的導火線。
8. 公司還要強逼員工去quarantine hotel返工，員工不願意，寧願放無薪假，但公司都不批准。
酒店工會再次強調，根據職安條例，僱主有必要提供一個安全的工作環境予員工上班。僱主應參考衛生署的指引進行消毒。員工亦應有對工作環境的知情權，以保障自身及家人的健康。

工會現對喜來登酒店的員工作出呼籲，面對公司的不公平待遇，請與本會聯絡。

另外本會亦對喜來登酒店作出呼籲，必須立即跟進及改善有關情況，不然本會有可能將相關個案交予勞工處跟進 !

5.9k 0 5 3

香港酒店工會Channel

27 Feb 2022, 10:47

木木奠動態清零，酒店動態爆料
爆料點可以少得你妳您，身在酒店工作嘅你同樣辛苦
管理層壓榨你，管理層唔理你，正苦唔保你
宜家就係想你講出真相嘅時候。
https://forms.gle/j83fDSL3BjrUugoS8

3.9k 0 2

香港酒店工會Channel

26 Feb 2022, 10:03

工會近日接獲如心酒店員工爆料，指酒店內爆發肺炎疫情，現時已有約30多人染疫，每日均會新增3至6人確診。

酒店管理層處理手法拙劣，失當措施包括 :
1. 因部分部門人手短缺，即使員工快速測試呈陽性，仍繼續上班，成極大播毒風險

2. 公司沒有向同事對內公佈確診名單，令到其他同事人人自危

3. 有部分確診同事快速測試呈陽性後，需到政府檢測，在等候報告期間，員工只能放無薪假。

酒店工會在此強調，根據職安條例，僱主有必要提供一個安全的工作環境予員工上班。因此在有員工初步確診下，仍要員工上班，是極不負責任的做法。而員工亦應有對工作環境的知情權，以保障自身及家人的健康。

工會現對如心酒店作出呼籲，必須立即跟進及改善有關情況，不然本會有可能將相關個案交予勞工處跟進 !

4.3k 1 10 13

香港酒店工會Channel

18 Feb 2022, 18:18

近日確診個案上升，本會接獲消息有關某酒店高層「勸喻」員工不要外出用膳，以免造成不必要麻煩，其「勸喻」除上班時間外亦包括下班後的私人時間。
其一名新入職員工於新年期間外出用膳，後來因該地方納入強檢範圍，而需進行強檢，雖結果為陰性，但管理層卻無理地以員工表現不合適為由，把該員工辭退，但其實質原因是員工於假期間出外用膳，造成不必要的麻煩將其辭退。
防疫雖重要，但僱傭關係只在於合約的上班時間內，而不應侵犯和干預員工私人時間，亦不應該濫用試用期的空間作出無理解僱。

3.9k 1 11 9

香港酒店工會Channel

1 Feb 2022, 07:16

虎年來臨，我們在此祝賀各位新年快樂，身體健康，平平安安！

現附上虎年賀圖。由牛年交棒虎年接力，無論有任何困難，我們都要咬緊牙關繼續努力！

祝願大家「虎年行大運」

香港酒店工會

2.7k 0 0 4

香港酒店工會Channel

30 Jan 2022, 05:14

💥2021-2022年度酒店薪酬調查💥

請按我

辛苦搵來志在食，打工仔最期待嘅莫過於每月嘅出糧日子🥳，每月嘅出糧日就好似既定程序一樣，但大家有冇諗過自己既薪水係咪合理呢？🤔在封閉式的薪酬制度底下，你嘅人工係咪同你既職位和能力掛鉤呢？⚖️

酒店工會希望透過薪酬調查，來製作薪金中位數表📊，以穩定薪金和減少員工被剝削的機會。

暗盤競價其實係招聘時已經出現，在資本主義市場下，人工被壓到合乎公司既利益？如何制止剝削發生？就係要定義等級工資中位數，而中位數應按物價和市場價格提升📈。

另外，合約長的大眾們，千萬別睇小炒散剝削對自身和市場帶來的影響，炒散和長工其實是唇齒相依，僱主會將長工和炒散的薪金作對比，炒散的剝削會造就長工被剝削的空間。

炒散員工是按僱主需要而招聘，他們控制員工數量的流動性，為了減省開支，剝削炒散的福利，以低價按時鐘計價，無償OT，僱主從中榨取利益；將炒散的薪水提升，有利長工對福利的爭取。

3.3k 1 5 4

香港酒店工會Channel

13 Jan 2022, 17:15

提提大家會籍已到期，係時候續會喇!

續會方法如下：

1️⃣ 網上填表請按我
2️⃣ 親臨工會會址

-----------------------------------------
入會須知
1. 會員資格 - 受僱於持酒店牌照的酒店
(如提供在職證明或離職三個月內的業內人士均可加入)
(本會設有酒店業課程學生會員，申請者須提供入讀證明，課程完結三個月內均可加入)
2. 工作證明 - 卡片/職員證/合約/糧單/報稅表等均可，需有公司名、職位名及閣下中或英文全名
3. 年費
-----------------------------------------
如有任何疑問，歡迎與本會理事查詢。

2.4k 0 0

香港酒店工會Channel

31 Dec 2021, 18:13

2021年將會過去
呢一年有多難捱
有多少眼淚流過
有多少散聚離別
荒謬嘅事依然有
2022年亦不易過
但願緊守信念
避唔到咪一齊捱囉

共勉之

酒店工會祝各位
平平安安

#亂流下平安

2.5k 0 0 1

香港酒店工會Channel

25 Dec 2021, 08:09

香港酒店工會祝大家聖誕快樂🎄

大家對於聖誕老人有咩印象呢？

好似通常都係和藹可親嘅伯伯🎅🏻 不過今年工會嘅聖誕老人一反「常態」，係一位不羈嘅紋身漢騎住架好型嘅電單車😍 其實都好型好正吖🥰

希望借呢個「破格」嘅聖誕老人令大家反思一下，我哋可以嘗試打破一啲舊有嘅框框😆 不論係工作定日常生活，如果有人話唔得、唔應該、唔可以，除咗順從之外，都可以諗下點解。一啲「正常」嘅規範好多時只係大家習以為常，唔代表我哋必須服從或者配合。

大家都要多多思考，希望大家有勇氣去改變，做自己認為正確嘅事💪🏻

再次感謝會員投稿畫咗一張咁靚嘅聖誕卡比我哋😍

辛苦哂咁多位酒店人🙏🏻 希望客人可以對我哋多啲體諒同包容🙆🏻

最後，願眾人平安💛

2.4k 0 1 5

香港酒店工會Channel

22 Dec 2021, 08:36

安心出行真係適用於所有地方？

本會於政府網頁發現
599F附例中的安心出行計劃
不適用於酒店員工所在的工作地方
在此呼籲各同工及酒店方面注意該法例規定

相互洽談
尋求共識

文件連結

希望幫到大家🙏🏻

#香港酒店工會

1.8k 0 0

香港酒店工會Channel

12 Dec 2021, 16:00

📣工會一月份活動日程📣

可能有會員都會好奇點解工會呢排多咗咁多活動，而呢啲活動完全同勞工同職場無關，係咪工會已經變咗質喇？(｡ŏ﹏ŏ)。唔係！而係我哋認為除咗作為會員同公司之間嘅橋樑外，工會亦可以作為社區同會員之間嘅橋樑。因此我哋都積極同唔同嘅小店／組織合作，希望同會員們一齊了解多啲香港同時發掘更多興趣！ʕ•̀ω•́ʔ✧

所以嚟緊１月份又有兩個唔同嘅活動喇～繼續有#我真係好撚鍾意香港系列同埋關於哲學嘅活動~ 大家可以動動腦筋~

1️⃣小巴牌導賞工作坊

而家市面上嘅手寫小巴牌已經越嚟越少，今次工會再次與夕拾ｘ閒社合作，有幸再次邀請麥錦生師傅為我哋舉辦工作坊！

日期：1月9日（星期日）
時間：1500 - 1700
地點：夕拾ｘ閒社　（觀塘）
費用：HKD 380/位（包素材，工具借用及製成品包裝）

活動詳情：
—紅ＶＡＮ歷史導賞及書法心得分享
—學員自行制作小巴牌

導師介紹：
麥錦生師傅係香港最後一位手寫小巴牌師傅。入行超過３０多年，一直致力推廣紅ＶＡＮ文化，讓公眾對小巴嘅歷史有更深入同全面嘅認識。除咗傳統小巴牌，近年麥師傅亦寫上潮語及祝福語，希望可以吸引更多人了解呢項手藝及背後歷史。

‼️截止報名日期：2022年1月2日‼️

2️⃣ [哲學生活] 哲學茶聚 - 死亡的意義

死亡對大家嘅意義係咩呢? 今次有幸邀請到哲學生活同我哋一齊探討死亡嘅意義。活動選擇喺一間好舒服嘅茶室舉行，會員們可以一邊嘆茶一邊討論。誠邀大家參加，一齊討論下呢個平時唔會觸及嘅話題，分享心中想法。

日期：1月25日（星期二）
時間：19:30 - 21:00
地點：想爺爺了茶室（觀塘）
費用：HKD 180/位（包兩款優質茗茶，無限添飲）
對象：從未接觸哲學／初次接觸哲學

講者介紹：

一個致力讓哲學融入生活嘅專頁，將哲學推廣到所有階層。平時會舉辦不同活動，包括讀書會，哲學專題活動。
Facebook/Instagram: 哲學生活 Philosophy in life

報名方法請留意會員Group🙏🏻

2k 0 0

香港酒店工會Channel

11 Dec 2021, 04:08

由12月9日起，政府根據所謂預防及控制疾病規例599 F章，要求酒店作為特定表列處所，必須要求顧客及使用者使用安心出行，酒店業內員工擔心此條例的實行，會迫使員工需配合安心出行進出酒店。

就着此事，酒店業協會與政府商討後，達成指引並通知各酒店，指出不需強制員工進行安心出行才能進入酒店工作。

有消息指某些酒店未有理會酒店業協會與他們洽商的安排，而要求員工進入酒店前需進行安心出行，因而令員工感到困擾。

現呼籲各業界員工，如發現酒店強迫員工進入酒店前使用安心出行，請通知工會，我們會代為跟進。

聯絡方法
☎️ 5744 1653
✉️ hospitalityhkg@gmail.com
📥 DM us Facebook / Instagram

1.6k 0 1

香港酒店工會Channel

8 Dec 2021, 13:49

小編有話兒📣

大家知唔知其實兩年前嘅今日係工會第一次擺街站。呢兩年間發生咗好多事，經歷咗好多離別同變化。香港變得不再一樣。有幾多會員係兩年前已經入會架？小編我就係喇🙋🏻

香港可能會越嚟越陌生，但工會嘅初心始終不變。就係希望作為一個平台，團結酒店人，一齊對抗職場上嘅不公義。

雖然失去咗職工盟，但係香港酒店工會仍然存在。好開心終於有會址，係屬於我哋嘅落腳點。

希望大家唔好忘記我哋，如果工作上受到欺壓或不公平對待、勞法上有任何查詢，歡迎大家同我哋聯絡！

嚟緊都準備續會了~請大家留意住我哋嘅FB/IG/Telegram🙏🏻 詳情會盡快公佈🙏🏻

聯絡方法:
📞 5744 1653
✉️ hospitalityhkg@gmail.com
📫DM us

-You Can't but WE Can-

1.4k 0 0

香港酒店工會Channel

7 Dec 2021, 07:08

📖

-Ideas are bulletproof-

小編前日參加咗一拳書館嘅分享會! 首先要感謝書店舉辦呢場分享會，令到我哋有機會認識多啲關於工運嘅歷史。有幸聽到一眾工運前輩嘅分享，獲益良多!亦有機會睇到一啲好珍貴嘅歷史文物，見返職工盟嘅足跡。

一個組織解散，並唔代表佢喺呢個社會消失。好開心可以喺呢個空間再次與職工盟相遇。

唔知大家呢一刻對工會有咩睇法。嘉賓分享到好多人都唔明白點解要比錢加入工會、比完錢就認為工會「應該」要幫我爭取。但其實工會往往最需要同最缺乏就係人（唔係講緊資金唔重要~）。好多權益都係靠自己爭取返嚟，而工會就係一個平台，大家都要多多參與💪🏻

最後小編希望第時老咗，有機會同下一代分享返而家嘅經歷。同時希望大家多多支持獨立書店，珍惜仍然可以相聚同分享嘅機會。我哋都係呢個時代嘅見證人📝

1.5k 1 1

香港酒店工會Channel

20 Nov 2021, 16:58

📚
工會兩週年活動 - 《空白的一百年 ─教科書不會告訴你的香港歷史》作者分享會喺尋晚終於舉行!

好多謝 Last Minutes 香城史接受我哋邀請同會員分享書中嘅章節📚分享會之後大家都好踴躍討論，喺討論過程中互相學習💛

希望大家見post飲水、見post睇書🥸

唔好怕同人分享心中想法，可能喺你唔知情嘅情況下你嘅分享會鼓勵到對方💛 人與人之間嘅連繫就係咁神奇，唔好睇小自己嘅影響力🙆🏻

最後，多謝夕拾x閒社提供咗一個咁chill咁舒適嘅環境比我哋💛 強烈推薦呢間喺觀塘嘅獨立書店~ 多多支持香港小店🤗

（小編表示: 尋晚講漏咗，希望大家喺今次分享會除咗了解多咗香港歷史，如果每個人都有啲得著帶走，我就心滿意足了~heehee）

2k 3 1

香港酒店工會Channel

20 Oct 2021, 17:00

【工會兩週年活動日程表】

唔經唔覺嚟緊11月就係工會成立兩週年嘅日子🎊

今年經歷咗好多離別，但係我哋相信每次嘅分離都係為咗下次重聚而做準備。喺下次重聚之前我哋都要好好裝備自己😊

有見及此，適逢兩週年呢個大日子，我哋都安排咗兩個好有意義嘅活動。希望見下大家之餘，都可以有個機會比大家了解下香港呢個地方💛

為咗方便大家我哋整咗呢個日程表📆

‼️以下為會員限定活動‼️

👩🏻‍🤝‍👨🏼但歡迎會員攜帶相熟朋友出席👨🏼‍🤝‍👨🏻

1. 秋風起行山團🍂

2. [重點推介] 《空白的一百年 ─ 教科書不會告訴你的香港歷史》作者分享會📚

3. 工會口罩😷

提提大家工會口罩仲可以買架~
HKD 50/盒
每盒30個
印有H.K.H.E.U 字樣

喺呢個充滿離散嘅時候，我哋希望透過呢啲活動可以比個機會大家相聚💛

「這刻我們在一起笑喊悲喜巨浪翻起亦是在一起」─《Ciao》RubberBand

-You Can't But WE Can-

2.5k 2 3

香港酒店工會Channel

10 Oct 2021, 16:57

【工會兩週年活動】

《空白的一百年 - 教科書不會告訴你的香港歷史》作者分享會

我哋成日講「我哋真係好撚鍾意香港」，對於香港呢個地方嘅歷史你又知幾多？

110年前嘅今日(10月10日) 就係辛亥革命。適逢今年係辛亥革命110週年亦係工會成立2週年。工會有幸邀請到《空白的一百年 - 教科書不會告訴你的香港歷史》嘅作者Last Minute 香城史同我哋分享下書中第六章：辛亥革命——制度外抗爭當中嘅細節。

喺宜家看似平靜嘅日子，正正就係一個機會比大家好好咁了解一下香港呢個地方。到底香港點樣比到啟示孫中山呢？當中浪跡天涯嘅經歷又係點呢？睇完呢章，大家可能會有少少反思。不妨參與今次分享會，我哋一齊圍下爐，傾下偈！

機會難逢，歡迎大家邀請相熟朋友一齊參與!期待當晚見到大家(๑•̀ㅂ•́)و✧

P.S.建議大家買咗書睇咗第六章先(๑•̀ω•́)ノ
----------------------------------------
日期：11月19日（星期五）
時間：晚上8點
地點：觀塘（成功報名後會通知）
費用：$80/人
報名方法：報名表
-----------------------------------------
第六章簡介

辛亥革命——制度外抗爭

6.1改革還是革命
6.2革命不是一場起義
6.3國父的啟示

沒有陳勝、吳廣，或者就沒有往後的項羽劉邦；同樣地，沒有晚清的劇烈動盪，或者就沒有辛亥革命的結局。其中的重要人物—孫中山曾提及過香港是他革命思想的來源，此章探討孫中山浪跡天涯的經歷，再透徹地進行一場自我反思。

作者簡介：

LAST MINUTE香城史

以香港為本，每星期在社交媒體上從不同歷史主題出發，書寫被遺忘的香港故事。兩名成員皆不是歷史本科出身，正因我們相信誰都能記錄歷史。生於此，長於此，自當有責任去捍衛及承傳本土歷史。

Facebook: Last Minute香城史
Instagram: hkhistory_lastminute
Website : lastminhkhistory.com

#我真係好撚鍾意香港系列 #香港歷史 #香港酒店工會

2.2k 5 9 1

香港酒店工會Channel

8 Oct 2021, 17:15

【工會自強繼續營運酒店人專屬口罩開售】(會員限定)
相信大家都知近日本會所屬嘅香港職工會聯盟 (職工盟) 通過解散...
但係，但係，但係 !!!

香港酒店工會 (飲食及酒店業職工總會屬會) 同一眾自主工會未散，我哋仍然會為行業、為社會做應該做嘅事，為公民社會出一分力。現階段我哋將會想辦法穩健財政、尋覓可負擔嘅地方繼續處理勞工問題/舉辦社區參與相關嘅活動。

因此，我哋推出酒店人專屬口罩，由本地製造商 Ls Mask International 製造 | Level 2 BFE ≥99% | 30個一盒 | 獨立包裝，白色面並印有工會名字「HKHEU」。

你仲想唔想見到為你發聲嘅工會 ?

價錢: $50/盒
運送方式: 郵寄 (到貨付費)
付款方式: ATM 過數或網上銀行過數方式繳交或 Payme
工會恆生銀行戶口：385-312426-001 (Catering & H I E G Union)
訂購表格 (請先預備入數紙或 Cap Screen，再填表): 訂購表格

1.1k 3 3

香港酒店工會Channel

3 Oct 2021, 17:48

Репост из: 職工盟資訊頻道

【只要有人，就可以繼續寫自己的故事——職工盟副主席鄧建華】

我是一個工會組織者，同時是職工盟副主席。

身為組織者，協助打工仔女改變不平等的勞資關係和社會制度、維護專業價值，是我們的任務。一代又一代的工會組織者，在過去31年與工人一齊努力，一手一腳建立獨立工會陣地、建立我們的堡壘。

在工人的連結、抗爭上，我們見到社會改變的可能性。過去，會行出來抗爭的工人，好多都是社會上的邊緣人，主流社會對他們的情況習以為常、視而不見。組織工作就是要把他們連結在一齊，齊上齊落，對打社會上的主流價值，爭取改變。工會運動，從來是要對抗資本和社會的主流價值。

一代又一代的組織者，每當遇上工人抗爭，就有走下去的動力。我們的理想，是終有一日，香港各行各業的人，能夠集結起來，實踐自己的權利，爭取一個更公義與民主的社會。

過去，為了一個更壯大的民間運動，我們矢志聯繫不同行業的工人、亦在民主運動上與公民社會連結，與2019年的新興工會連結、與國際民間社會連結。凡此種種，如今都成為罪名。如果與香港工人、香港人同行，是我們的罪名，那麼我們的回應只有四隻字：無怨無悔。

你可以逼我們解散組織，但卻不能摧毀我們的信念。職工盟現在是面臨解散，但這麼多年為工運努力過的前輩、組織者、工會人，無論現在身處何地，在獄中，在香港，在外地，我們的心都扣在一起。單是這個信念，我們就知道我們未散。

我們不會忘記今天的「不甘心」。走到今天，我們的確未夠力量應對政治危機，這一份「不甘心」，將會成為我們最後的「工會教育」。與好多香港人一樣，我們都要學習如何在荒謬的世道下，生存下去。

31年來的民主工運路，無論怎樣被扣帽子、被抹黑、被打壓，都是抹不走的。在這裡，我要向每一個曾經站出來抗爭，捍衛自己權利的工人道謝。

我們也好多謝走到尾、撐到底的屬會。在今日的討論中，我們除了不捨，還見到屬會之間的鬥志，願意抱持著理念，繼續運作工會，在行業打拼。大家都知道，工運唔可以停。

我們知道，工人之間織下的關係，不會因為今天的決定而煙消雲散。只要有人，就可以繼續寫自己的故事。31年來，有工人需要我們的地方，我們就會去。一方有難，八方支援。每一個行業
⋯⋯
全文：
https://www.facebook.com/169276086446006/posts/6381413778565508/?d=n

838 0 1

香港酒店工會Channel

3 Oct 2021, 16:23

Репост из: 獨立媒體 inmediahk.net

職工盟通過解散工運路未完主席黃迺元：「不必懷憂喪志」
https://bit.ly/3isXkKo

成立31年的職工盟下午召開特別會員大會，經過3個多小時會議，大會以57票贊成、8票反對、兩票棄權，通過解散職工盟。職工盟估計現時約有2千萬元資產，扣除員工薪金及遣散費後，將攤分予各個屬會。

職工盟走過31年獨立工運路，即將隱入歷史，副主席鄧建華形容所有附會做了「不甘心」的決定，主席黃迺元勉勵不必懷憂喪志，又寄語有不公義的地方就有反抗，「團結的人民永遠不會被擊潰」。

職工盟宣布解散後，保安局隨即發聲明指，「一個組織及其成員犯下的罪行，其刑責不會因解散組織或成員的辭職而被抹走」，指會全力追究。

660 0 0

香港酒店工會Channel

Гео и язык канала

Категория

香港酒店工會Channel

香港酒店工會Channel

香港酒店工會Channel

香港酒店工會Channel

香港酒店工會Channel

香港酒店工會Channel

香港酒店工會Channel

香港酒店工會Channel

香港酒店工會Channel

香港酒店工會Channel

香港酒店工會Channel

香港酒店工會Channel

香港酒店工會Channel

香港酒店工會Channel

香港酒店工會Channel

香港酒店工會Channel

香港酒店工會Channel

香港酒店工會Channel

香港酒店工會Channel

香港酒店工會Channel

1 928

Язык сайта

香港酒店工會Channel

Гео и язык канала

Категория

1 928