Репост из: 【天水連線·官方頻道】
【一位蘋果員工的話】
我係一個係蘋果到做左一段都唔短時間嘅員工,當初機緣巧合之下由朋友介紹入去做,起初我都只係視為一份”工作”。做落之後,感受到呢一間公司好有人情味,以前仲有免費野飲雪糕食😋,同事們都好好,亦都慢慢令我愈黎愈對公司有歸屬感…
2019年,呢一年好大變化,同事們變為戰友,慢慢發現,其他報章就算明知件事嘅是非黑白,都要指鹿為馬去擁護、獻眉畀個政權,原來只係得番我哋一間紙媒報道真相。呢一份已經唔再只係”工作”,喺蘋果到做,會令我多左份使命感,我哋係仲夠膽喺呢一個時刻報道真相嘅人。
創辦人被告國安法係一切荒謬嘅開端,仲記得嗰日睇住無啦啦咁多狗進入我哋大樓嘅畫面,再睇返尋日,估唔到真係咁突然就要我哋各散東西,就算已經一早有心理準備,到真係發生嘅時候自己都難以接受。尋日返到公司,知道嚟緊星期五有可能會變成最後一日,只係感到非常可惜,同埋要更加珍惜同各位同事嘅相處時間。
我不善言辭,喺呢間公司嘅點點滴滴都係腦海入面,呢幾日信息量太多,個人都仲未消化到,除左荒謬,都唔知再用咩詞語形容。
最後致各位蘋果同事、一眾香港人 :
《蘋果日報》求真、堅毅的精神已早在我們內心埋下種籽,縱使時代的巨浪將我們沖散,令我們散落四周,但吸收了先前的養份,我們會在各處繼續發芽、結果,成為一顆更茁壯的蘋果樹。
我在此希望各位不要放棄,並銘記一切事實真相,不要讓現在變成被抹去或歪曲的歷史,去增值自己,讓未來的我們有足夠強大去抵抗黑暗。
-- 一位蘋果員工
我係一個係蘋果到做左一段都唔短時間嘅員工,當初機緣巧合之下由朋友介紹入去做,起初我都只係視為一份”工作”。做落之後,感受到呢一間公司好有人情味,以前仲有免費野飲雪糕食😋,同事們都好好,亦都慢慢令我愈黎愈對公司有歸屬感…
2019年,呢一年好大變化,同事們變為戰友,慢慢發現,其他報章就算明知件事嘅是非黑白,都要指鹿為馬去擁護、獻眉畀個政權,原來只係得番我哋一間紙媒報道真相。呢一份已經唔再只係”工作”,喺蘋果到做,會令我多左份使命感,我哋係仲夠膽喺呢一個時刻報道真相嘅人。
創辦人被告國安法係一切荒謬嘅開端,仲記得嗰日睇住無啦啦咁多狗進入我哋大樓嘅畫面,再睇返尋日,估唔到真係咁突然就要我哋各散東西,就算已經一早有心理準備,到真係發生嘅時候自己都難以接受。尋日返到公司,知道嚟緊星期五有可能會變成最後一日,只係感到非常可惜,同埋要更加珍惜同各位同事嘅相處時間。
我不善言辭,喺呢間公司嘅點點滴滴都係腦海入面,呢幾日信息量太多,個人都仲未消化到,除左荒謬,都唔知再用咩詞語形容。
最後致各位蘋果同事、一眾香港人 :
《蘋果日報》求真、堅毅的精神已早在我們內心埋下種籽,縱使時代的巨浪將我們沖散,令我們散落四周,但吸收了先前的養份,我們會在各處繼續發芽、結果,成為一顆更茁壯的蘋果樹。
我在此希望各位不要放棄,並銘記一切事實真相,不要讓現在變成被抹去或歪曲的歷史,去增值自己,讓未來的我們有足夠強大去抵抗黑暗。
-- 一位蘋果員工