黃文萱議員辦事處頻道

呢啲地方仲有得買！

剛得知第一城對出大涌橋路有小學校巴炒車
據報並無嚴重傷者
亦已聯絡警方，警方指已派交通警/衝鋒車及巡邏小隊處理，未知事發經過及傷者人數，有消息會再通知
意外無人想，但各位駕駛人士，保障道路安全是基本責任，香港慘劇已經夠多，加上今日天雨路滑，請小心駕駛

18:49更新
已聯絡置富商場經理
經理表示相當關注事件，亦已聯絡園景承辦商及樹藝師到場檢查，指每年均會有承辦商來了解樹木情況，惟今次樹木分支倒塌並無先兆

文萱向其反映應加密樹木檢查次數，今次塌樹有可能為分支過重，應加密修剪樹木，經理表示收到相關意見，文萱會繼續留意事件

文萱亦已去信發展局綠化、園境及樹木管理組，要求理解政府相關部門如何協助私人管理樹木

有update再通知大家🙇🏻‍♀️🙇🏻‍♀️🙇🏻‍♀️

18:15
中庭 subway有樹木倒下，見到係分枝拆斷，幸好冇途人受傷，保安已圍封現場

現場商場保安表示正聯絡樹藝師處理及檢查，行經嘅街坊唔好行近，以免有危險，文萱會跟進事件 ，了解相關樹木保養情況及拆斷原因，有最新消息再通知大家🙇🏻‍♀️

【要求增加樣本檢測包派發】
　
文萱見到街坊近日都有討論，不論是郵局或是圓洲角的檢測瓶樣本，朝早9點未到就有好多人排隊，文萱日前都去信衛生署同郵政要求增加檢測包。
　
衛生署就覆咗話跟進緊，第一城郵局今早已經打來，指檢測包是衛生署給郵政統一安排分發，早前因為中西區疫情嚴重，因而某些配額調了去當區。但文萱亦有反映不少居民工作需要檢測，但時間上未能安派到檢測中心，郵局方面表示理解，今早已將檢測包數量由90增回至120。
　
感謝郵局迅速安排，文萱會繼續跟進。

【第三年同食環巡區報告】
第三年同食環巡區啦，其實真係好欣慰見到城內衛生情況有進步，由每一日都起碼有人同我講見到老鼠，而家都真係少咗好多（當然真正挑戰嘅時候未到）。但當然！並唔係鬆懈嘅時候，所以今日文萱都邀請食環署同管理處（是但啦佢唔認㗎）一齊睇吓城內衛生情況。
首先除咗當然同 Shek William 石威廉 一齊睇之外，好樂見今日管理處兩位經理，清潔外判商惠康代表同防治蟲鼠顧問（係呀終於見到真人），亦都有業委會主席同代表出席，非常之齊人。
📌 首先以下係我地見到城內嘅問題同處理措施:
⭕️老鼠方面，改用藍色粒裝鼠餌，亦都如同食環署放置鼠餌一樣，有寫更換時間，亦有於正確位置放置老鼠藥盒，並會定期更換
⭕️滅蚊方面，而家多改用蚊沙，先清理積水後於渠口放置蚊沙，亦有蚊沙更換時間
⭕️垃圾房方面，見到垃圾房地下已用黃線間好位置，減少雜亂擺放雜物
⭕️更換已生鏽垃圾房鐵門
⭕️9座垃圾房外圍亦已減低草叢茂密程度，肉眼見衛生確有改善
⭕️17座往富豪方向綠閘有鐵絲網（不過未完成）
📌 仍需改善措施：
❌不少地方仍有可見積水，須更勤加清潔，易惹蚊蟲，包括垃圾房內仍然蚊蟲齊飛
❌垃圾房仍然有不少雜物，食環署建議四角仍須放置老鼠盒
❌不少竹被斬後竹心仍然中空，易惹積水滋生蚊蟲
❌渠蓋仍有鐵網，唯積存枯葉甚多，須加密清潔，否則易惹積水滋生蚊蟲
📌 城外問題：
❌小瀝源路遊樂場向來蚊蟲多，已要求食環與康文署討論滅蚊措施，分清楚清潔責任註屬，並要求增加更多「蚊子陷阱」
講真啦，第一城係我住嘅地方，管理處再點樣「主動」邀請食環署，出通告講做咗嘢 ，見食環之前點樣洗太平地，清潔嘅程度都係呃唔到居民。雖然當中過程並唔容易，經常得唔到管理處嘅正面回覆，但都係好感動九座垃圾房由每一晚密不透風地開老鼠叫聲交響樂，老鼠日光日白都見到大大隻，而家真係有防治蟲鼠嘅顧問，垃圾房內亦都唔會有隨處可見的老鼠屎跡，希望真係可以為第一城居民帶來更好清潔的家。
當然，作為居民都必須有公德心，並非有管理處清潔便可隨處扔垃圾，自己樓層亦都要盡力保持清潔。香港作為城市唔可能完全無老鼠蚊蟲，但如果大家都盡好本份就能將影響減到最低。如有第一城附近／公家地方衛生問題可以同文萱講（64539721），城內要投訴可去搵管理處 26484644，自己大廈裡面亦都可以搵業委會代表幫手反映。
以上！